នារីសញ្ជាតិអាហ្រិកខាងត្បូងម្នាក់ដែលមានឈ្មោះថា Tshegofatso Pule បានបាត់ខ្លួនអស់រយៈពេល ៤ ថ្ងៃមុនពេលសាកសពរបស់នាងត្រូវបានគេរកឃើញ។ មិត្តប្រុសរបស់នារីអាហ្រ្វិកខាងត្បូងម្នាក់ ដែលជាឃាតក បានបង្កការភ្ញាក់ផ្អើលដល់ប្រទេសជាតិទាំងមូលដោយសារការសម្លាប់មិត្តស្រីរបស់ខ្លួន ហើយឥឡូវនេះត្រូវបានជាប់បទពិរុទ្ធពីបទរៀបចំសម្លាប់នាង។

តុលាការជាន់ខ្ពស់លោក Johannesburg បានសម្រេចថាបុរសឈ្មោះ Ntuthuko Ntokozo Shoba មានពិរុទ្ធពីបទរៀបចំផែនការសម្លាប់មិត្តស្រីរបស់ខ្លួនគឺនាង Tshegofatso Pule ដោយបានបង់ប្រាក់ឲ្យឃាតករសម្លាប់នាង។

សព​ស្ត្រី​មាន​ផ្ទៃពោះ​អាយុដែលមាន ​២៨​ ឆ្នាំ​ត្រូវ​បាន​គេ​ប្រទះ​ឃើញ​ចងក​ពី​ដើមឈើ​ដោយ​មាន​ស្នាម​កាំភ្លើង​ចំ​ដើមទ្រូងផងដែរ។ ការសម្លាប់នេះត្រូវបានថ្កោលទោសយ៉ាងទូលំទូលាយ រួមទាំងលោកប្រធានាធិបតី Cyril Ramaphosa ផងដែរ។

គាត់ធ្លាប់បាននិយាយថា អាហ្រ្វិកខាងត្បូងគឺជាកន្លែងមួយក្នុងចំនោម «កន្លែងដែលគ្មានសុវត្ថិភាពបំផុតក្នុងពិភពលោកក្នុងនាមជាស្ត្រី​»។ ជាប្រទេសដែលមានអំពើហឹង្សាកម្រិតខ្ពស់បំផុតមួយក្នុងពិភពលោក រួមទាំងករណីឃាតកម្មខ្ពស់ផងដែរ ហើយការស្លាប់របស់ Tshegofatso Pule បានធ្វើឲ្យមនុស្សជាច្រើនមានទុក្ខព្រួយ ជាពិសេសគឺស្ត្រី។ សេចក្តីថ្លែងការណ៍របស់ប្រធានាធិបតីបាននិយាយថា ភាគច្រើននៃស្ត្រីចំនួន ៥១% នៅអាហ្រ្វិកខាងត្បូងបានជួបប្រទះអំពើហឹង្សាដោយសារមនុស្សដែលពួកគេមានទំនាក់ទំនងជាមួយ។

បុរសជាមិត្តប្រុសរូបនោះបានសារភាពប្រាប់តុលាការថា គាត់បានជួលឃាតក ដើម្បីសម្លាប់នាង ក្នុងគោលបំណងកុំឲ្យប្រពន្ធរបស់គាត់ដឹងពីការមានផ្ទៃពោះរបស់ Tshegofatso Pule។ បុរសដែលបានសារភាពថាបានសម្លាប់នាង កំពុងជាប់ពន្ធនាគារ ២០ ឆ្នាំបានក្លាយជាសាក្សីសម្រាប់រដ្ឋឲ្យមានការប្រុងប្រយ័ត្ន៕

ចុចអានបន្ដ៖ អង់គ្លេស៖ ករណីជំងឺគ្រុនឈាមប្រភេទ CCHF ត្រូវបានរកឃើញថ្មីៗនេះ