ក្មេងប្រុសអាយុ ១១ ឆ្នាំម្នាក់ដែលបានដើរពីស្រុកកំណើតរបស់គាត់នៅអៀរឡង់ខាងជើងទៅកាន់កីឡដ្ឋានរបស់ Manchester United បានរៃអង្គាសប្រាក់បានជាង ១២,៥០០ ផោនសម្រាប់អង្គការសប្បុរសធម៌។ Ben Dickinson បានចូលរួមសកម្មភាពសប្បុរសធម៌ប្រមូលប្រាស់សម្រាប់យុទ្ធនាការ FareShare ដើម្បីផ្ដល់ជាអាហារដល់មនុស្សជាង ៧៥,០០០ នាក់ដែលស្មើនឹងមនុស្សពេញមួយកីឡដ្ឋាន Old Trafford របស់ចក្រភពអង់គ្លេស។

ក្មេងប្រុសរូបនោះបាននិយាយថា គាត់ត្រូវបានបំផុសគំនិតឲ្យចូលរួមសកម្មភាពសប្បុរសធម៌នេះដោយកីឡាករបាល់ទាត់ និងអ្នកធ្វើយុទ្ធនាការប្រឆាំងភាពក្រីក្ររបស់ Marcus Rashford។ លោក James Persad អ្នកគ្រប់គ្រងមកពីកម្មវិធី FareShare បានពិពណ៌នា Ben ថាជា «​គំរូដ៏ល្អបំផុត» សម្រាប់មនុស្សជាតិ ហើយគាត់បានបន្ដទៀតថា ពួកយើងពិតជារំភើបនឹងមិនអាចអរគុណ Ben គ្រប់គ្រាន់ឡើយសម្រាប់ការលះបង់ ការប្តេជ្ញាចិត្តរបស់គាត់ក្នុងការជួយបេសកកម្មរបស់ FareShare ដើម្បីកុំឲ្យអាហារទៅជាភាពខ្ជះខ្ជាយ។

Ben បាននិយាយថាគាត់ «ខ្ញុំនិយាយអ្វីមិនចេញឡើយ» នៅពេលដែលគាត់បានជួបជាមួយអតីតកីឡាកររបស់ United គឺកីឡាករ Wayne Rooney ក្នុងអំឡុងពេលដើររយៈពេលដប់ថ្ងៃពីសួន Inver Park ដែលជាផ្ទះរបស់ក្រុមបាល់ទាត់ក្នុងស្រុករបស់គាត់។ បន្ទាប់ពីការធ្វើដំណើរដោយសាឡាងពីប្រទេសអៀរឡង់ខាងជើង Ben បានចូលរួមក្រុមគ្រួសាររបស់គាត់ធ្វើដំណើរចម្ងាយជាង ១០៣ គីឡូម៉ែត្រ។

ការដើររបស់គាត់គឺដើម្បីការរៃអង្គាសប្រាក់ដូចកាលពីមុននៅពេលដែលគាត់បានរត់ចម្ងាយជាង ៣៨ គីឡូម៉ែត្រដើម្បីការរៃអង្គាសប្រាក់សម្រាប់មន្ទីរពេទ្យកុមារនៅអៀរឡង់ខាងជើង ពីព្រោះភាពខ្វះខាតអាហាររបស់កុមារកាន់តែអាក្រក់ទៅៗ ដោយសារជំងឺរាតត្បាតបានធ្វើឲ្យភាពអត់ឃ្លានរបស់កុមារមានការកើនឡើង៕

ចុចអានបន្ដ៖ អ៊ុយក្រែន៖ ស្ត្រីមានផ្ទៃពោះម្នាក់បានរងរបួសដោយសារការទម្លាក់គ្រាប់បែករបស់រុស្ស៊ី