អ្នក​ធ្វើ​យុទ្ធនាការ​តវ៉ា​ប្រឆាំងទៅ​នឹង​ការ​លុកលុយ​របស់​ប្រធានាធិបតីរុស្ស៊ី លោក វ្ល៉ឌីមៀ ពូទីន ចូល​ទៅក្នុងប្រទេសអ៊ុយក្រែន​ ដោយបានដុតលិខិតឆ្លងដែនសញ្ជាតិរុស្ស៊ីរបស់នាងចោល ក្នុងអំឡុងពេលនៃការធ្វើយុទ្ធនាការ «​​ប្រុងប្រយ័ត្ន» នៅ​ក្នុង​ទីក្រុង Edinburgh រាជធានីនៃប្រទេសស្កុតឡេន។

Anna Jakubova អាយុ ២៦ មានដើមកំណើតពីទីក្រុងមូស្គូនៃប្រទេសរុស្ស៊ីបាននិយាយថា នាងមានការរន្ធត់ចិត្តយ៉ាងខ្លាំងចំពោះការស្លាប់របស់ប្រជាជននៅអ៊ុក្រែន និងមានការអាម៉ាស់ខ្លាំងបំផុតក្នុងនាមជាជនជាតិរុស្ស៊ីម្នាក់។ នាងសុកចិត្តដុតលិខិតឆ្លងដែនសញ្ជាតិរុស្ស៊ីរបស់នាងចោលនៅចំពោះមុខមនុស្សរាប់រយនាក់។

បាតុកម្ម​បាន​នេះ​កើត​ឡើង​នៅក្នុង​រដ្ឋធានី​ ស្កុតឡេន ចាប់​តាំង​ពី​ការ​លុកលុយ​បាន​ចាប់​ផ្តើម​កាល​ពី​ថ្ងៃ​ព្រហស្បតិ៍មក។ នាងបានធ្វើដំណើរពីទីក្រុង Dundee ដើម្បីចូលរួមព្រឹត្តិការណ៍នេះកាលពីថ្ងៃអង្គារ គឺនៅពេលដែល រុស្ស៊ី​ បាន​វាយ​ប្រហារ​ប៉មទូរទស្សន៍​នៅក្នុង​ទីក្រុង​ គៀវ ហើយមន្ត្រី​អ៊ុយក្រែន​បាននិយាយ​ថាមនុស្ស ៥ នាក់ត្រូវបានសម្លាប់ និងការបាញ់គ្រាប់រ៉ុក្កែតក៏បានសម្លាប់ជនជាតិស៊ិវិលរាប់សិបនាក់ផងដែរ នៅក្នុងទីក្រុង Kharkiv ដែលជាទីក្រុងធំទីពីររបស់អ៊ុយក្រែន។

នាងបាននិយាយថា៖ “ខ្ញុំបានដុតលិខិតឆ្លងដែនរបស់ខ្ញុំ គឺជាកាយវិការប្រឆាំងនឹងរដ្ឋាភិបាលរុស្ស៊ី ហើយដើម្បីបង្ហាញថា សូម្បីតែពលរដ្ឋរុស្ស៊ីផ្ទាល់ក៏កំពុងងាកមកប្រឆាំងនឹងប្រទេសខ្លួនដែរ”។ ខ្ញុំ​សង្ឃឹម​ថា​វានឹង​អាចទាក់ទាញ​ការ​យក​ចិត្ត​ទុក​ដាក់កាន់តែច្រើនឡើងចំពោះ​ស្ថានភាព​ដ៏លំបាក​របស់​ជន​ជាតិ​អ៊ុយក្រែន ហើយនឹងអាចផ្ដល់សិទ្ធិសេរីភាពដល់ពួកគេក្នុងការតស៊ូ តវា ចំពោះការរងទុក្ខរបស់ពួកគេ៕

ចុចអានបន្ដ៖ ស្ត្រី៖ ជនល្មើសដ៏គ្រោះថ្នាក់នឹងចង់បានបំផុតរបស់ចក្រភពអង់គ្លេសត្រូវបានចាប់ខ្លួនហើយ