មានមនុស្សជាច្រើនបានកំពុងធ្វើការពិភាក្សាទៅលើប្រធានបទមួយនេះថា «​ហេតុអ្វីនៅតែប្រារព្វទិវាសិទ្ធិនារីបន្ដទៀត» ពីព្រោះមនុស្សឥលូវមានសិទ្ធិស្មើៗគ្នាទៅហើយនឹង? ចុះហេតុអ្វីមិនធ្វើការពិភាក្សាទៅលើទិវាសិទ្ធិកុមារ ទិវានៃក្តីស្រឡាញ់ Valentine’s Day ពិធីបុណ្យនៃសេចក្តីស្លាប់ Halloween ឬក៏បុណ្យណូអែលដែលទៅ?

នេះក៏ដោយសារតែវានៅតែមានការជិះជាន់ទៅលើសិទ្ធ ការគោរពឲ្យតម្លៃនៅតែមិនស្មើគ្នានៅឡើយ ហើយទិវា ឬបុណ្យនីមួយៗសុទ្ធតែមានប្រវត្តិ ប្រយោជន៍របស់វាដែលយើងមិនអាចបញ្ឈប់បានដូចជាចូលឆ្នាំខ្មែរ ឬក៏ចូលឆ្នាំសកលជាដើម។

ហេតុផលទាំងប្រាំខាងក្រោមនេះហើយដែលទិវាសិទ្ធិនារីនៅតែមានសារសំខាន់បំផុតចំពោះស្ត្រីនឹងមនុស្សគ្រប់រូបទូទាំងពិភពលោក៖

• ភាពលំអៀងប្រឆាំងនឹងស្ត្រីនៅតែកើតមានឡើងតាមការអះអាងពីមនុស្ស ៩ នាក់ក្នុងចំណោម ១០
• ស្ត្រីនៅតែងាយរងគ្រោះចំពោះការរំលោភបំពាន ទាំងនៅក្នុងគ្រួសារឬផ្លូវភេទបើប្រៀបធៀបទៅនឹងបុរស
• ស្ត្រីនៅតែមានការរើសអើងនៅក្នុងវិស័យការងារ អាជីវកម្ម ឬនយោបាយ
• យោងតាមតួលេខជារៀងរាល់ឆ្នាំបានបង្ហាញថានៅទូទាំងពិភពលោកការអប់រំ ការទទួលបានការងារ ការរងអំពើហឹង្សាចំពោះស្ត្រីនៅតែមានតួលេខខ្ពស់ខ្លាំង
• តាមរបាយការអង្កការស្ត្រីពិភពលោកក៏បានបង្ហាញដែលថាមានក្មេងស្រីមិនទាន់គ្រប់អាយុជាង ១២ លាននាក់បានរៀបការជារៀងរាល់ឆ្នាំជាពិសេសវាកើតឡើងនៅក្នុងបណ្តាលប្រទេសក្រីក្រ និងមិនទាន់អភិវឌ្ឍ

មូលហេតុមួយចំនួននេះ និងមានជាច្រើនទៀតដែលទិវាសិទ្ធិនារីពិតជាមានសារសំខាន់បំផុតក្នុងការប្រារព្វជារៀងរាល់ឆ្នាំ ប៉ុន្តែកុំភ្លេចឲ្យសោះថាស្ត្រីមានសិទ្ធិដូចបុរសគ្រប់ ៣៦៥ ថ្ងៃដូចៗគ្នាដែរ។ ហើយយើងគួរតែចូលរួមចំណែកអបអរសាទរប្រារព្វនេះឡើង និងធ្វើការក្រោកឈរទាំងអស់គ្នាដើម្បីសិទ្ធិស្ត្រីពេញមួយឆ្នាំ មិនមែនត្រឹមតែមួយថ្ងៃនោះទេ៕

ចុចអានបន្ដ៖ ការភ័យខ្លាចទាំង ៥ យ៉ាងរបស់ស្ត្រីៗដែលមានអំណាចរួចទៅហើយ