សម្រាប់អ្នកនៅលីវៗភាគច្រើនតែងតែគិតថា នៅលើលោកនេះគ្មានបុរសល្អពិត ឬក៏ស្ត្រីគ្រប់លក្ខណ៍នៅសេសសល់សម្រាប់ពួកគេទៀតឡើយ។ អ្នកតែងតែឆ្ងល់ថាអ្នកខ្លះមើលមិនយល់សោះតែមានអ្នកញ៉ែដូចស្រមោចតោងស្ករ ហើយខ្លួនស្អាតសង្ហារប៉ុណ្ណឹងដែរ ហេតុអ្វីបានជានៅលីវ គ្មានអ្នកណាមើលឃើញយកធ្វើជាសង្សារទាល់តែសោះ។ ទាំងនេះបណ្ដាលមកពីកត្តាជាច្រើនដែលទាក់ទងទៅនឹងរបៀបរស់នៅប្រចាំថ្ងៃរបស់អ្នក។

ការជ្រើសរើសគន្លឹះល្អៗមួយចំនួនអំពីវិធីស្វែងរកដៃគូសង្សារគឺជារឿងចាំបាច់ណាស់ដែលអ្នកត្រូវដឹង និងត្រូវអនុវត្តឲ្យបានល្អត្រឹមត្រូវ ពីព្រោះវានឹងផ្ដល់ឱកាសល្អៗជាច្រើនសម្រាប់អ្នកក្នុងការស្វែងរកដៃគូសង្សារឲ្យបានឆាប់រហ័សមួយនឹងគេ។

វិធីទាំងប្រាំយ៉ាងនេះពិតជាអាចជួយឲ្យអ្នកស្វែងរកដៃគូបានដោយងាយបំផុតនៅពេលណាដែលអ្នកចង់៖

• ការចេញទៅខាងក្រៅឲ្យបានញឹកញាប់ និងបង្កើតទំនាក់ទំនងសង្គមឲ្យបានច្រើន
• ការញញឹម និងភាពរស់រាយរាក់ទាក់របស់អ្នកទៅកាន់មនុស្សដែលអ្នកបានជួប
• ការជួបជុំមិត្តភក្តិដើម្បីមានឱកាសស្គាល់មនុស្សថ្មីតៗគ្នា ឬការណាត់ជួបតែម្ដង
• ត្រូវមានភាពក្លាហាន និងមានភាពជឿជាក់លើខ្លួនឯងក្នុងការឆ្លើយតមពេលមានគេញ៉ែ ឬចង់ញ៉ែគេវិញ
• បង្ហាញអំពីបុគ្គលិកលក្ខណៈពិតរបស់អ្នកទៅកាន់អ្នកដទៃ ចៀសវាងការកុហកនឹងធ្វើពុតដើម្បីចង់បានគេ

អ្នកនឹងទទួលបានការចាប់អារម្មណ៍កាន់តែខ្លាំង បើសិនជាអ្នកចេះរក្សាការការសន្ទា និងប្រើភាសាកាយវិការក្នុងពេលតែមួយបាននោះ វាជាវិធីក្នុងការទាក់ទាញចំណាប់អារម្មណ៍ពីមនុស្សដែលយើងកំពុងនិយាយជាមួយ។ ហើយសង្ឃឹមថាគន្លឹះទាំងប្រាំខាងលើនេះនឹងអាចជួយអ្នករកសង្សារបានឆាប់ៗនៅពេលណាដែលអ្នកគិតថាអ្នកចង់បាន៕

ចុចអានបន្ត៖ ៥ សញ្ញាដែលបញ្ជាក់បានថាដៃគូរបស់អ្នកពិតជាស្រឡាញ់អ្នកជាងខ្លួនគាត់ទៅទៀត