តាមការពិតសេចក្ដីស្រឡាញ់មានការប្រែប្រួលខ្លាំងណាស់គឺវាអាស្រ័យទៅលើបុគ្គលនោះ ឬដៃគូសង្សារប្ដីប្រពន្ធ និងនៅក្នុងដំណាក់កាលនៃទំនាក់ទំនងស្នេហាដែលពួកគេកំពុងតែស្ថិតនៅជាមួយគ្នា។ វាអាចនឹងមានការរីកលូតលាស់កាន់តែខ្លាំង ឬក៏មានការថយចុះខ្លាំងទៅតាមការយកចិត្តទុកដាក់ចំពោះដៃគូសង្សារនោះ។

អ្វីដែលអ្នកបានឃើញនៅលើប្រព័ន្ធបណ្ដាញសង្គម «អំពីស្នេហាដ៏ស្មោះស្ម័គ្រ​» គឺវាមិនដូចគ្នាក្នុងជីវិតពិតនោះទេ។ មនុស្សភាគច្រើននឹងធ្វើការសួរសំណួរខ្លួនឯងថា តើដៃគូរបស់ខ្ញុំពិតជាស្រឡាញ់ខ្ញុំខ្លាំងមែនឬអត់?

ប្រសិនបើដៃគូសង្សាររបស់អ្នកធ្វើរឿងទាំងប្រាំយ៉ាងនេះជាមួយអ្នកជាប្រចាំនោះ វាអាចបង្ហាញបានថាដៃគូរបស់អ្នកស្រឡាញ់អ្នកខ្លាំងណាស់ និងខ្លាំងជាងខ្លួនគាត់ទៅទៀត៖

១. គាត់តែងតែផ្ញើសារជាសំឡេងទុកឲ្យអ្នក កុំគិតថាការផ្ញើសារជាសំឡេងគឺជាជម្រើសងាយស្រួលនឹងឆាប់រហ័សនោះ ការពិតនៅក្នុងទំនាក់ទំនងស្នេហាវាបង្ហាញអំពីការយកចិត្តទុកដាក់ខ្លាំង ជាពិសេសវាធ្វើឲ្យអ្នកមានអារម្មណ៍ល្អប្រសើរនៅពេលបានលឺសំឡេងមនុស្សជាទីស្រឡាញ់។

២. គាត់ទុកទូរស័ព្ទចោលដោយមិនខ្លាចសង្សារយកមកឆែកមើលឡើយ អ្នកខ្លះការពារណាស់ពេលនិយាយអំពីរឿងទូរស័ព្ទដៃនៅពេលមានដៃគូ ជាធម្មតាវាមានន័យថាបុគ្គលនោះមានអ្វីដែលត្រូវលាក់បាំងហើយ។ ប៉ុន្តែប្រសិនបើដៃគូមិនបារម្ភអំពីរឿងនេះពេលនៅជុំវិញអ្នកវាបង្ហាញថាជាសញ្ញានៃការជឿទុកចិត្ត និងភាពស្មោះត្រង់។

៣. គាត់មានការតស៊ូជាមួយអ្នកគ្រប់គ្រាលំបាកទាំងអស់ នៅពេលដែលមានការលំបាក ឬមានបញ្ហាដែលត្រូវដោះស្រាយ បុគ្គលដែលពិតជាយកចិត្តទុកដាក់ចំពោះអ្នក និងស្រឡាញ់អ្នកខ្លាំងពិតប្រាកដនោះ តែងតែជ្រើសរើសភាពស្មោះត្រង់សាមគ្គីភាព ដើម្បីដោះស្រាយជាជាងការរត់ចោលអ្នក។

៤. គាត់មានមោទនភាពដែលបាននៅជាមួយអ្នក ប្រសិនបើដៃគូរបស់អ្នកមានមោទនភាពដែលបាននៅជាមួយអ្នក វាជាសញ្ញាប្រាប់ថាគាត់មិនមានភាពខ្មាស់អៀនក្នុងការបង្ហាញអំពីទំនាក់ទំនងរបស់អ្នកទាំងពីរទៅកាន់អ្នកដទៃនៅក្នុងសង្គម បងប្អូន ឬសាច់ញាតិឡើយ។

៥. គាត់មិនចាកចេញពីអ្នកឡើយនៅពេលដែលអ្នកត្រូវការគាត់បំផុត ជីវិតស្នេហាមិនមែនគ្រាន់តែជាភាពសប្បាយរីករាយតែមួយមុខនោះទេ វាមានលាយឡំជាមួយនឹងទុក្ខសោក រឿងអាក្រក់នានាដែលអាចកើតឡើងបានផងដែរ បើគាត់មើលថែទាំអ្នកគ្រប់ពេលវេលា និងមិនបោះបង់អ្នកចោលវាជាសញ្ញាបញ្ជាក់ថាគាត់ស្រឡាញ់អ្នកខ្លាំងណាស់។

ដូច្នេះប្រសិនបើអ្នកតែងតែស្រមៃចង់បានបុរសល្អម្នាក់ បុរសដែលគោរពឲ្យតម្លៃ និងស្រឡាញ់អ្នកយកចិត្តទុកដាក់អ្នកខ្លាំងមកធ្វើជាដៃគូសង្សារសម្រាប់ជីវិតរស់នៅរបស់អ្នកនោះ អ្នកត្រូវសម្លឹងមើលទៅលើគុណសម្បត្តិទាំងប្រាំខាងលើនេះ។ ហើយប្រសិនបើបុរសនោះមានគុណសម្បត្តិទាំងនេះមែន អ្នកដឹងថាអ្នកបានរកឃើញមនុស្សពិសេសម្នាក់ហើយសម្រាប់ជីវិតដៃគូទៅថ្ងៃអនាគត់ដែលប្រកបដោយសុភមង្គល៕

ចុចអានបន្ត៖ ៦ សញ្ញានេះអាចបញ្ចាក់បានថាអតីតរបស់អ្នកអាចជាគូអនាគតទៅថ្ងៃមុខ