បែក​គ្នា​ហើយ ហេតុអ្វី​បាន​​ចង់​ត្រឡប់​ទៅ​រក​គេ​វិញ​ម្ដង​ហើយ​ម្ដង​​ទៀត?

  • 2022-01-23 08:35:00
  • ចំនួនមតិ 0 | ចំនួនចែករំលែក 0

ស្រឡាញ់​មនុស្ស​​ម្នាក់ ពិត​ជា​ស្រួល ប៉ុន្តែ​បើ​ចង់​​​ឲ្យ​​ខ្លួន​ឯង​ស្អប់​ ឬ​បំភ្លេច​គេ​វិញ​គឺ​វា​ពិបាក​​ខ្លាំង​ណាស់​។​​ ទោះ​ជា​បែក​គ្នា​មួយ​រយៈ​ធំ​ហើយ បេះដូង​អ្នក​នៅ​តែ​ឈឺចាប់ ហើយ​ចិត្ត​​ក៏​ចេះ​តែ​ចង់​ត្រឡប់​ទៅ​រក​គេ​វិញ​ម្ដង​ហើយ​ម្ដង​​ទៀត​។ ឆ្ងល់​ណាស់​មែន​ទេ ហេតុអ្វី​ខ្លួន​ឯង​ល្ងង់​យ៉ាង​នេះ? យ៉ាងណាមិញ ខាង​ក្រោម​នេះ​ជា​មូលហេតុ​៣​យ៉ាង​ដែល​បណ្ដាល​ឲ្យ​​ចិត្ត​របស់​​អ្នក​មិន​ដាច់​ស្រឡះ​បែប​នេះ ដូច្នេះ​អ្នក​ត្រូវ​ស្វែង​យល់ ដើម្បី​​យក​ឈ្នះ​ខ្លួន​ឯង​ឲ្យ​បាន៖​

រូបតំណាង
**១. វត្តមាន​របស់​គេ​**

អ្នក​​មិន​ត្រូវការ​អ្វី​ទាំង​អស់ ក្រៅ​ពី​ចង់​​បាន​គេ​ម្នាក់​នោះ​មក​​នៅ​ក្បែរ​ខ្លួន​។ អ្នក​ឲ្យ​តម្លៃ​ភាព​សំខាន់​របស់​គេ លើស​ខ្លួន​ឯង រហូត​ពិបាក​និង​រស់នៅ​បន្ត​ពេល​ដែល​គ្មាន​វត្តមាន​គេ​។ ដូច្នេះ​អ្នក​ត្រូវ​កំណត់​គោលដៅ​ជីវិត​ខ្លួន​ឯង​ជា​ថ្មី ដែល​គ្មាន​រូប​គេ បែប​នេះ​ទើប​ជីវិត​អ្នក​​អាច​រក​ឃើញ​ពន្លឺ​ម្ដង​ទៀត​។

២. ត្រូវការ​ពេល​វេលា ក្នុង​ការ​បំភ្លេច​

ដោយសារ​តែ​​នៅ​ជាមួយ​គ្នា​រយៈ​ពេល​យូរ ធ្វើ​ឲ្យ​អ្នក​ធ្លាប់​ជាមួយ​ជីវិត​ដែល​មាន​គេ ដូចជា​ ធ្លាប់​ទៅ​ណា​មក​ណា​ ញ៉ាំ​អាហារ ឬ​ចែក​រំលែក​​បញ្ហា​ជាមួយ​គ្នា​ជា​ដើម​។ អនុស្សាវរីយ៍​​កាន់​តែ​ច្រើន អ្នក​កាន់​តែ​ត្រូវការ​ពេល​វេលា​​យូរ​ក្នុង​ការ​បំភ្លេច​។​​ ប៉ុន្តែ​អ្នក​ត្រូវ​ចាំ​ថា គ្មាន​អ្វី​ទៀងទាត់​ទេ​លើ​លោក​នេះ ជួប​បែក​គឺ​ជា​រឿង​ធម្មតា​របស់​មនុស្ស​គ្រប់​រូប​។​

៣. អ្នក​នៅ​តែ​ចាត់​ទុក​គេ​ជា​គូ​ស្នេហ៍​

អ្នក​នៅ​តែ​មានៈ មិន​ព្រម​ទទួល​ការ​ពិត ហើយ​គិត​ថា​គេ​នៅ​តែ​​​មាន​ចិត្ត​ស្រឡាញ់​អ្នក​​ដែរ​។ អ្នក​​​ព្យាយាម​ឱប​ក្រសោប​ ​រឿង​អតីតកាល​មិន​ព្រម​លែង​។ លទ្ធផល គឺ​អ្នក​ម្នាក់​ឯង​ដែល​គ្រាំគ្រា ដូច្នេះ​អ្នក​ត្រូវ​ដឹង​ថា​បើ​គេ​នៅ​ស្រឡាញ់​ គេ​ប្រាកដ​ជា​មិន​​ទុក​អ្នក​ចោល​បែប​នេះ​ទេ​។ គ្មាន​មនុស្ស​ប្រុស​ណា​ ចង់​ឲ្យ​មនុស្ស​ស្រី​ដែល​ខ្លួន​ស្រឡាញ់​យំ​ ដោយសារ​ខ្លួន​ឡើយ ៕​

ប្រភព៖ Likelovequotes ប្រែសម្រួល៖ អូន បញ្ញា