Yang Yang សង្ហារឥតទាស់ពេលតែងខ្លួនជា ចាន់ចាវ

2021-12-17 10:00:00
ចំនួនមតិ 0 | ចំនួនចែករំលែក 0

អ្នកគាំទ្រនឹកស្មានមិនដល់ថា គ្រាន់តែងតែងខ្លួនចូលកម្មវិធីកម្សាន្តសោះ រូបសម្បត្តិរបស់កំពូលតារាសម្ដែងប្រុសចិន Yang Yang អាចសង្ហារដ៏កម្រិតនេះ។ កាលពីថ្ងៃទី ១៦ ខែធ្នូកន្លងទៅនេះ បណ្ដាញព័ត៌មាន Sina បានរាយការណ៍ថា ទើបតែព្រឹកព្រលឹមសោះ តែឈ្មោះតារាសម្ដែងប្រុសជួរមុខចិន Yang Yang ត្រូវបានគេស្វែងរកច្រើនជាងគេបាត់ទៅហើយ នៅលើបណ្ដាញសង្កម Weibo។

តាមនោះដែរ នៅក្នុងភាគថ្មីបំផុត នៃកម្មវិធីកម្សាន្ត Qing Chun Yu Huan Qi តួរឿងនិស្ស័យស្នេហ៍ទេវតាបីជាតិ បានតែងខ្លួនជាតួអង្គរក្ស ចាន់ ចាវក្នុងខ្សែភាពយន្តតុលាការមុខដែក។ គ្រងឈុតពណ៌ក្រហមឆ្អិនឆ្អៅ ប្រុសស្អាតអាយុ ៣០ឆ្នាំសង្ហារគ្មានកន្លែងទាស់។ មនុស្សជាច្រើនបានលើកឡើងថា រូបសម្បត្តិរបស់តារាកើតឆ្នាំ ១៩៩១ ស្អាតដូចរូបគេសូនចឹង មិនដូចមនុស្សពិតឡើយ។

ហ្វេនមួយចំនួនបានបញ្ចេញមតិថា ប្រសិនបើរឿង តុលាការមុខដែកត្រូវបានថតស៊េរីថ្មី Yang Yang អាចអាទិភាពទី១សម្រាប់តួចាន់ចាវនេះហើយ ត្បិតការតែងខ្លួននេះគឺស្អាតលើសពីការរំពឹងទុក។ ក្រៅពីនេះ រឿងចុងក្រោយរបស់ ប្រុសស្អាតនេះក៏សុទ្ធតែជារឿងសម័យមិនទាន់មានរឿងបុរាណថ្មីដែរ ដែលធ្វើឲ្យទន្ទឹងរង់ចាំយ៉ាងអន្ទះសារ៕