មនុស្សមួយចំនួនធំកំពុងតែមានបញ្ហាដូចៗគ្នាទៅនឹងការគេង ពេលភ្ញាក់ឡើងមានអាការអស់កម្លាំងខ្លាំង ហើយនៅតែមានអារម្មណ៍ងងុយគេងក្នុងអំឡុងពេលថ្ងៃឬក៏ស្ងាបសឹងតែគ្រប់ពេល។ បញ្ហានេះបណ្តាលមកពីកត្តាជាច្រើនដូចជា ការនឿយហត់ពីការងារឬការធ្វើដំណើរ ស្រ្តេស ទម្លាប់គេងមិនទៀងទាត់ របបអាហារ និងបញ្ហាចម្បងនោះគឺបណ្ដាលមកពីសុខភាពតែម្តង។

ប្រសិនបើលោកអ្នកមានអាការងងុយគេងក្នុងអំឡុងពេលថ្ងៃ ពេលធ្វើការ ម៉ោងសិក្សា បើកបរ ពេលមើលទូរទស្សន៍ ឬក៏អានសៀវភៅនោះ វាបញ្ជាក់ថាអ្នកកំពុងតែមានបញ្ហាសុខភាពនៃជំងឺគេងមិនលក់ហើយ។ មកអនុវត្តតាមវិធីទាំងនេះនឹងអាចជួយអ្នកបាន៖

• ត្រូវមានម៉ោងចូលគេង និងម៉ោងក្រោកពីគេងឲ្យបានទៀងទាត់ជារៀងរាល់ថ្ងៃ
• កុំទម្លាប់គេងពេលថ្ងៃជាពិសេសបន្ទាប់ពីម៉ោង ៣ រសៀលឡើងទៅដែលវាជាមូលហេតុធ្វើឲ្យអ្នកទម្លាប់
• ព្យាយាមផឹកទឹក និងសារធាតុរាវឲ្យបានច្រើន (ចៀសវាងជាតិកាហ្វេអ៊ីននៅពេលល្ងាច)
• តែងតែញ៉ាំអាហារពេលព្រឹកជានិច្ច (ទោះបីតិចក៏ដោយ) វាជាអាហារសំខាន់ជាងគេប្រចាំថ្ងៃ
• ញ៉ាំប្រភេទបន្លែផ្លែឈើឲ្យបានច្រើន ហើយចៀសវាងកុំញ៉ាំអាហារសម្រន់ ២ ម៉ោងមុនពេលចូលគេង

ប្រសិនបើអ្នកនៅតែមិនអាចគេងបានទៀត ព្យាយាមស្តាប់ការនិទាន ឬសម្លេងតន្រ្តី និងបើសម្លេងតិចៗវានឹងអាចជួយអ្នកឲ្យឆាប់គេងលក់។ ហើយប្រសិនបើវិធីទាំងអស់នេះនូវតែមិនអាចជួយបាន អ្នកគួរតែពិគ្រោះជាមួយគ្រូពេទ្យពីបញ្ហារបស់អ្នកដែលទាក់ទងទៅនឹងជំងឺគេងមិនលក់ (insomnia)៕

ប្រភពរូបភាព៖ Pexels

ចុចអានបន្ត៖

• វិធីការពារកុំឲ្យស្ត្រេស និងការទទួលរងសម្ពាធខ្លាំងពេកនៅកន្លែងធ្វើការ
• វិធីសាស្ត្រល្អៗទាំង ៨ យ៉ាងដើម្បីយកឈ្នះលើការភ័យខ្លាចនៃការនិយាយជាសាធារណៈ