គាត់គិតផ្សេង អ្នកគិតផ្សឹង វិធីនេះជួយឲ្យសម្ព័ន្ធស្នេហាមានទំនាក់ទំនងល្អឡើងវិញ

2021-12-03 06:50:00
ចំនួនមតិ 0 | ចំនួនចែករំលែក 0

មិនតិចទេ ដែលដៃគូជាច្រើនតែងតែឈ្លោះគ្នាដោយសារម្នាក់យល់ថាបែបនេះល្អ ម្នាក់ទៀតមិនដល់បែបនេះ។ ការខ្វែងគំនិតគ្នា ចិត្តគំនិតមិនសូវត្រូវគ្នាពិតជាពិបាកសម្របណាស់ បើទោះពួកគេទាំងពីរនៅតែស្រលាញ់គ្នា រស់ខ្វះគ្នាមិនបានក៏ដោយ។ យ៉ាងណាកុំបារម្ភអី តិចនិកខាងក្រោមអាចដោះស្រាយសម្រាប់អ្នកមានចំណងស្នេហ៍ក្នុងកាលៈទេសៈបែបនេះ។

រូបតំណាង

**១. កុំប្រើអារម្មណ៍ខ្លាំងនៅពេលនិយាយជាមួយគាត់**

ដោយសារតែការយល់ឃើញរវាងអ្នកទាំងពីរ ច្រើនគិតខុសពីគ្នា ដូច្នេះប្រាកដជាចៀសមិនផុតពីការខ្វែងគំនិតរហូតឈ្លោះគ្នានោះទេ។ ដូច្នេះទំនាក់ទំនងងាយនឹងបាក់បែកណាស់ ហើយក៏ធុញនឹងលួងគ្នាដែរ។ ម្ល៉ោះហើយ កុំប្រើអារម្មណ៍ខ្លាំងពេកនៅពេលនិយាយជាមួយគ្នា តែប្រើហេតុផលល្អជាង។

រូបតំណាង

២. រម្ងាប់ចិត្ត

ក្នុងទំនាក់ទំនងស្នេហា មនុស្សស្រីពិតជាចង់បានការចាប់អារម្មណ៍ខ្លាំងពីបុរសខ្លួនស្រលាញ់ ហើយរង់ចាំឲ្យគាត់និយាយដោយអ្នកមិនបាច់ប្រាប់។ ប៉ុន្តែក្នុងកាលៈទេសៈនេះ អ្នកច្បាស់ជាបាត់បង់ឱកាសសំខាន់មិនខាន ព្រោះគាត់នឹងរង់ចាំអ្នកប្រាប់គាត់ឲ្យបានច្រើន ដោយគាត់មិនចង់ទស្សន៍ទាយដូចគ្រូទាយនោះទេ។ ដូច្នេះ អ្នកត្រូវរម្ងាប់ចិត្ត និងសម្របតាមលក្ខខណ្ឌជាក់ស្ដែង។

រូបតំណាង

៣. បង្ហាញអារម្មណ៍តាមរយៈកែវភ្នែកឲ្យគ្នាទៅវិញទៅមក

គេតែងនិយាយថា ការយល់ពីគ្នាទៅវិញទៅមក គឺស្ដែងតាមរយៈកែវភ្នែក។ ដូចនេះ បើនិយាយគ្នាមិនសូវត្រូវទេ អ្នកអាចបង្ហាញអារម្មណ៍ឲ្យគាត់យល់តាមកែវភ្នែកបាន។ នេះជារបៀបបញ្ជូនអារម្មណ៍និងការយល់ពីគ្នាបានស៊ីជម្រៅបាន។ បន្ថែមពីនេះ កុំភ្លេចបង្ហាញទឹកមុខរបស់អ្នកដោយភាពស្រស់ស្រាយ ញញឹម និងកែវភ្នែកមានការសម្លឹងគ្នាពេលនិយាយឲ្យបានញឹកញាប់។

រូបតំណាង

៤. ផ្ដល់ការចងចាំដល់គាត់ជានិច្ច

អ្នកអាចបន្ថែមតាមរយៈកាយវិការដើម្បីបង្ហាញពីអារម្មណ៍របស់អ្នក។ ដូចជា ជំនួសឲ្យការនិយាយថា បង អស្ចារ្យណាស់ មកជាទះដៃដើម្បីអបអរសាទរដល់គាត់ ហើយមុខវិញក៏ត្រូវញញឹមនិងបង្ហាញឲ្យគាត់ឃើញថា អ្នកពិតជាមានអារម្មណ៍ពិសេសនិងស្ងប់ស្ងែងចំពោះសមិទ្ធផលរបស់គាត់លើសអ្វីដែលគាត់កំពុងសប្បាយនេះទៅទៀត។ នេះជាវិធីបង្កើតភាពជិតស្និទ្ធ និងកាន់តែងាយស្រួលដល់អ្នកទាំងពីរ ឲ្យមានអារម្មណ៍ល្អចំពោះគ្នាបានទ្វេដង។

រូបតំណាង

៥. រៀនពីរឿងរ៉ាវចាស់ៗ

មានមនុស្សមិនតិចទេ មិនចង់នឹកស្រមៃដល់រឿងចាស់ៗម្ដងទៀត រហូតដល់អ្នកខ្លះជ្រើសរើសការបំភ្លេចចោលតែម្ដង។ យ៉ាងណាក៏ដោយ មិនមែនឲ្យអ្នកវិលត្រលប់ទៅរកអតីតកាលឡើយ តែមេរៀនពីរឿងកន្លងហួស ជាបទពិសោធន៍ល្អដែលលើសពីការរំពឹងទុកទៅទៀត។ នៅពេលអ្នកស្វែងរកមេរៀនពីរឿងចាស់បាន នោះរឿងថ្មីក៏នឹងល្អបានវិញ ព្រោះអ្នកដឹងពីរបៀបដោះស្រាយវា៕

អានបន្ត៖ ៥ ចំណុចសំខាន់នៃស្នេហា សម្រាប់នារីគិតពីបុរសម្នាក់ព្រមដើរចូលក្នុងជីវិត

ប្រភព៖ goodlifeupdate ប្រែសម្រួល៖ លឹម សុនា