៥ ចំណុចសំខាន់នៃស្នេហា សម្រាប់នារីគិតពីបុរសម្នាក់ព្រមដើរចូលក្នុងជីវិត

2020-02-04 07:35:00
ចំនួនមតិ 0 | ចំនួនចែករំលែក 0

មនុស្សស្រីម្នាក់ៗសុទ្ធតែមានស្តង់ដាមនុស្សប្រុសក្នុងចិត្តរៀងៗខ្លួន ដែលពេលខ្លះការកំណត់ស្តង់ដាខ្ពស់ពេករបស់ពួកគេ ក្លាយជាចំណងរហូតមិនអាចរកបុរសម្នាក់ចូលក្នុងជីវិត។ តាមពិត ស្នេហាវាមិនអាចកើតឡើងតាម១០០% ដូចដែលពួកគេរំពឹងថា ដៃគូត្រូវតែស្រស់សង្ហា រ៉ូមែនទិក រៀនពូកែ កូនអ្នកមាននោះទេ។ ដូច្នេះហើយ មនុស្សមានចិត្តគំនិតចាស់ទុំលើរឿងស្នេហា នាងនឹងកំណត់ស្តង់ដាបុរសក្នុងក្តីស្រមៃ ដោយចំណុចខាងក្រោមជំនួសវិញ។

រូបតំណាង

**១. ស្រលាញ់មនុស្សមានអត្តចរិតល្អច្រើនជាងរូបរាងសង្ហា មុខស្អាត**

កាលនៅក្មេង ស្រីៗឲ្យតែឃើញបុរសណារាងសង្ហា មុខស្អាតច្បាស់ជាលង់លើគេដោយមិនដឹងខ្លួន។ មានពេលខ្លះ លួចហៅគេថា ប្ដី ក្នុងចិត្តទៀតផង។ បើទោះជារូបសម្រស់ខាងក្រៅធ្វើឲ្យនារីមានចិត្តស្រលាញ់មែន តែបើនិយាយឲ្យចំទៅ គឺទង្វើទៅវិញទេ ដែលល្អបំផុតនោះ។ ចំណុចដ៏គួរឲ្យចាប់អារម្មណ៍ គឺចេះគិតគូ ចិត្តល្អ ស្មោះត្រង់ អត្តចរិតល្អទៅវិញទេ ដែលធ្វើឲ្យមនុស្សស្រីសើចនិងកក់ក្ដៅរហូត។

រូបតំណាង

២. ឲ្យអាទិភាពលើសន្តិភាពផ្លូវចិត្តមុនគេ

ការឲ្យតម្លៃស្តង់ដាខ្ពស់បំផុតរបស់ស្នេហា គឺគេមិនបង្កើតភាពស្មុគស្មាញដល់អ្នក ដែលនេះហើយជាប្រភេទដៃគូដែលនរណាក៏ប្រាថ្នាចង់បានបំផុត។ ទោះជារូបរាងសង្ហា កូនអ្នកមានយ៉ាងណាក៏លែងសំខាន់ដែរ អ្វីដែលសំខាន់គឺមានផាសុកភាពផ្នែកផ្លូវចិត្តពេលចំណាយពេលវេលាជាមួយគ្នា ។

រូបតំណាង

៣. មិនចាំបាច់និយាយច្រើន ប៉ុន្តែនៅតែអាចយល់ពីគ្នាបាន

ចិត្តដឹងពីគ្នាថា ចង់បានបែបណា ត្រូវការបែបណា ដោយមិនបាច់ឲ្យដៃគូចាំតែនិយាយ ចាំតែប្រាប់នោះទេ។ នេះហើយទើបជាសុភមង្គលពិតប្រាកដ ដែលមានទំហំធំលើសពីរូបរាងសង្ហា មុខស្អាតទៅទៀត។

រូបតំណាង

៤. មិនបាច់ Sweet ពេកក៏បាន សំខាន់ស្រលាញ់ពិតប្រាកដ

កាលនៅវ័យជំទង់ អ្នកប្រហែលជាចង់បានបុរសម្នាក់ដែលធ្វើឲ្យបេះដូងអ្នកលោតញាប់ដោយសារតែគេតែងធ្វើរឿងភ្ញាក់ផ្អើលនៅកណ្ដាលចំណោមមនុស្សជាច្រើនដើម្បីអ្នក។ ពេលទិវាក្តីស្រលាញ់ ឬបុណ្យទានម្តងៗចង់បានកាដូពិសេសពីមនុស្សខ្លួនស្រលាញ់ និងចង់លឺពាក្យថាបងស្រលាញ់អូន។ យ៉ាងណា នេះគ្រាន់ជាស្នេហាបែបកូនក្មេងប៉ុណ្ណោះ។ តាមពិតទៅ មានស្នេហាស្ថិតស្ថេរពិតប្រាកដ និងច្បាស់លាស់មួយទើបមិនងាយផ្លាស់ប្តូរ។ វាល្អជាង ស្នេហ៍បែបផ្អែមល្ហែមតែរយៈពេលខ្លី ហើយមិនស្ថិតស្ថេរ។

រូបតំណាង

៥. មិនអាចជាមនុស្សឥតខ្ចោះមានគុណសម្បត្តិច្រើន តែអាចទទួលយកចំណុចរបស់គ្នាទៅវិញទៅមកបាន

ដោយសារតែកាលនៅក្មេង ចូលចិត្តមើលរឿងភាគ អានប្រលោមលោកច្រើន ដូច្នេះធ្វើឲ្យមនុស្សស្រីតែងកំណត់ស្តង់ដាមនុស្សប្រុសដែលខ្លួនស្រលាញ់ខ្ពស់ដូចក្នុងរឿងគេនិពន្ធ។ តាមពិតអ្នកក៏ជាមនុស្សធម្មតា គេក៏ដូចគ្នា គ្មានអ្នកណាអត់ចំណុចខ្វះខាតឡើយ។ ដូច្នេះហើយ នៅពេលចាស់ចិត្តចាស់គំនិតទៅ ការប្រសើរគឺអាចយល់ពីគ្នា និងសម្របគ្នាបាន ទោះជាដៃគូម្ខាងទៀតមានគុណវិបត្តិខ្លះៗក៏ដោយ។ ដែលនេះទើបជាឱកាសរស់នៅជាមួយគ្នាបានយូរអង្វែង។

រូបតំណាង