៤ គន្លឹះសាមញ្ញខ្លីៗសម្រាប់នារីមានស្បែកស្រអែមគួរដឹងមុនពេលផាត់មុខ
- 2021-11-28 23:00:00
- ចំនួនមតិ 0 | ចំនួនចែករំលែក 0
៤ គន្លឹះសាមញ្ញខ្លីៗសម្រាប់នារីមានស្បែកស្រអែមគួរដឹងមុនពេលផាត់មុខ
នារីៗមានស្បែកស្រអែមគួរយកចិត្តទុកដាក់មុនពេលទិញគ្រឿងសម្អាងដើម្បីកុំឲ្យខាតប្រាក់ទទេៗ។ កាលណាបើអ្នកទិញផលិតផលតុបតែងមុខដោយមិនដឹងពីប្រភេទស្បែករបស់ខ្លួន ពណ៌ និងរបៀបនៃការប្រើប្រាស់នោះ អ្នកអាចនឹងខាតប្រាក់កាសមួយចំនួនបន្ទាប់ពីទិញរួច។ ដូច្នោះ សម្រាប់សុភាពនារីមានស្បែកស្រអែមគួរចងចាំចំពោះ ៤ ចំណុចនេះមុនពេលតុបតែងមុខរួមមាន៖
១. ត្រូវប្រាកដថាអ្នកជ្រើសរើសពណ៌ឲ្យស៊ីនឹងស្បែកអ្នក
នៅពេលប្រើម្សៅទ្រនាប់ អ្នកគួរប្រើម្សៅទៅតាមប្រភេទស្បែករបស់អ្នកដូចជា ប្រើម្សៅទ្រនាប់លេខ ២ ដែលធ្វើឲ្យស្បែកមើលមកដូចធម្មជាតិនិងមិនហោះពេក។ អ្នកអាចសាកផាត់បានថាតើ វាសមនឹងផ្ទៃមុខ ថ្ងាស ថ្ពាល់ និងចង្ការរបស់អ្នកដែរឬយ៉ាងណា។
២. ជ្រើសរើសគូល័រផាត់ថ្ពាល់ឲ្យស៊ីនឹងស្បែកអ្នក
នៅពេលផាត់មុខ បើអ្នកប្រើគូល័រផាត់មិនស៊ីគ្នានោះទេ អ្នកនឹងមើលមកប្លែកពុំស្រស់ស្អាតឡើយ។ អ្នកអាចប្រើពណ៌ផ្កាឈូក ពណ៌ទឹកក្រូច និងពណ៌ផ្កាថ្មលាយជាមួយគ្នាដើម្បីបង្កើនសម្រស់នៅលើផ្ទៃមុខរបស់អ្នកបាន។
៣. ចេះបន្ថែមពណ៌ដល់ស្បែក
ក្រៅពីលាបនិងផាត់ម្សៅធម្មតាហើយ អ្នកអាចជ្រើសរើសប្រើប្រាស់ concealer បន្ថែមពីលើផ្ទៃមុខដូចជានៅត្រង់ថ្ងាស ចង្ការ និងនៅក្បែរភ្នែកជាដើម។ ការធ្វើបែបនេះនឹងជួយឲ្យផ្ទៃមុខរបស់អ្នកប្លែកស្រស់ស្អាតជាងធម្មតាឆ្ងាយ។
៤. លាបក្រេមពណ៌ចាំងៗ
នារីៗមានស្បែកស្រអែមពុំសូវចែងចាំងនៅពេលដែលអ្នកចេះថែមក្រេមឲ្យស៊ីនឹងស្បែកឡើយ។ ដូច្នោះ ប្រសិនបើអ្នកមានស្បែកពុំសូវស អ្នកគួរប្រើក្រេមណាដែលមានពណ៌ស្រស់ៗនិងចែងចាំងដើម្បីលើកមុខរបស់អ្នក។ ចៀសវាងប្រើក្រេមណាស្លេកៗ និងមានពណ៌ស្រាលៗ។ មួយវិញទៀត ការតុបតែងមុខក៏គួរតែស័ក្តិសមទៅតាមកម្មវិធីណាមួយដែរ ចៀសវាងការផាត់មុខខ្លាំងពេកជាដើម៕
រូបភាព៖ Pinterest
ចុចអានបន្ត៖
ទម្លាប់ ៤ ប្រចាំថ្ងៃងាយធ្វើឲ្យស្បែកខូចដោយមិនដឹងខ្លួន