ទម្លាប់ ៤ ប្រចាំថ្ងៃងាយធ្វើឲ្យស្បែកខូចដោយមិនដឹងខ្លួន

2020-04-23 04:10:00
ចំនួនមតិ 0 | ចំនួនចែករំលែក 0

មិត្តនារីជាច្រើនតែងតែថែរក្សាស្បែកដោយប្រើផលិតផលការពារស្បែក ចិញ្ចឹមស្បែក និងរក្សាស្បែកឲ្យក្មេងជាងវ័យជាដើម។ តែការប្រើប្រាស់របស់អស់ទាំងនោះនឹងមិនមានប្រយោជន៍ឡើយ ប្រសិនបើអ្នកមិនបានយកចិត្តទុកដាក់ថែរក្សាស្បែកតាមទម្លាប់ប្រចាំថ្ងៃដោយមិនដឹងខ្លួន។ ដូចនេះហើយ ថ្ងៃនេះ ប្រិយមិត្តទាំងអស់គ្នានឹងបានដឹងពីរឿងគួរចៀសវាងប្រចាំថ្ងៃនេះដើម្បីកុំឲ្យស្បែកឆាប់ខូចដោយមិនដឹងមូលហេតុ។ ៤ ចំណុចគួរចៀសវាងនោះរួមមាន៖

១. ដករោមចិញ្ចើមមុនពេលផាត់មុខ

រូបតំណាង

មនុស្សមួយចំនួនមានទម្លាប់មិនកោររោមចិញ្ចើមឡើយ តែបែរជាដករោមចិញ្ចើមចោលទៅវិញ។ ការដករោមចិញ្ចើមចោលអាចនឹងបង្កឲ្យមានស្នាមកន្ទួលក្រហមនៅលើស្បែកឬបង្កទៅជារបួសផងក៏ថាបាន។ លើសពីនេះ វានឹងបង្កជាបាក់តេរីនៅលើចិញ្ចើមនៅពេលអ្នកដករោមចិញ្ចើមចោល។

២. សិតសក់នៅពេលសើម

រូបតំណាង

អ្នកប្រហែលជាមិនដឹងទេថា ការសិតសក់សើមនឹងប៉ះពាល់ដល់ផ្ទៃស្បែកក្បាលបានដែរ។ នៅពេលអ្នកសិត ក្រាសនឹងប៉ះទៅនឹងស្បែកក្បាលហើយអាចឲ្យមានការឈឺស្បែកក្បាលបន្ទាប់មក។ យល់ល្អ អ្នកគប្បីផ្លុំសក់អ្នកឲ្យស្ងួត ឬទុកឲ្យស្ងួតតាមធម្មតារួចចំាសិតសក់ទើបជាការល្អ។

៣. ជូតគ្រឿងផ្តល់សំណើមច្រើនពេក

រូបតំណាង

ចូរអ្នកចំាថា ពាក្យ ច្រើនពេក គឺពុំសូវមានន័យល្អប៉ុន្មាននោះទេ។ ដូចគ្នានេះដែរ ការជូតផលិតផលផ្តល់សំណើមច្រើនពេកនៅលើស្បែកអាចបង្កឲ្យមានការពិបាកដកដង្ហើមនៅលើផ្ទៃស្បែក រាំងស្ទះរន្ធញើស ហើយធ្វើឲ្យស្បែកប្រែខ្មៅជាដុំ។ ដូច្នោះ ចូរអ្នកប្រើប្រាស់ឲ្យល្មមទៅតាមស្បែកត្រូវការសំណើមទៅបានហើយ។

៤. ប៉ះស្បែកញឹកញាប់ពេក

រូបតំណាង

ការហាមប្រាមនេះក៏ព្រោះតែបណ្តាលមកពីដៃរបស់អ្នកប៉ះរបស់របរច្រើនផ្សេងៗគ្នាដែលសម្បូរទៅដោយបាក់តេរីកខ្វក់។ ដូចនេះ នៅពេលយកដៃទៅប៉ះ ឬចាប់មុខនោះ វាងាយនឹងបង្កជាមុនកើតឡើងដោយមិនដឹងខ្លួន។ ម្យ៉ាងវិញទៀត ស្របពេលនឹងស្ថានភាពបច្ចុប្បន្ន អ្នកមិនគួរប៉ះផ្ទៃមុខរបស់អ្នកផ្តេសផ្តាសឡើយ ប្រសិនបើអ្នកមិនបានលាងដៃឲ្យបានស្អាតនោះ៕

រូបភាព៖ Pinterest

ចុចអានបន្ត៖

រូបមន្តធ្វើឲ្យស្បែកមុខសខ្ចីក្នុងរយៈពេល២ សប្តាហ៍ ងាយៗធ្វើនៅផ្ទះខ្លួនឯងក៏បាន

ប្រភព៖ tagsis ប្រែសម្រួល៖ សុវណ្ណ ស្រីពីន