នៅពេលដែលអ្នកជួប ឬកំពុងប្រឈមមុខទៅនឹងបញ្ហាអ្វីមួយ អ្នកតែងតែត្រូវការនរណាម្នាក់ដើម្បីនិយាយវាចេញ ឬសុំយោបល់នឹងជំនួយពីពួកគេដើម្បីធ្វើការដោះស្រាយបញ្ហាទាំងនោះ។ ជាទូទៅអ្នកនឹងទៅរកក្រុមគ្រួសារ មិត្តភក្ដិរបស់អ្នក ពីព្រោះពួកគេគឺជាមនុស្សដែលអាចធ្វើការលួងលោមចិត្ត លើកទឹកចិត្តអ្នកឲ្យបានប្រសើរឡើងវិញ។ ហើយរឿងទាំងអស់នោះអ្នកក៏ធ្លាប់បានធ្វើវាឡើងទៅកាន់ក្រុមគ្រួសារ មិត្តភក្ដិរបស់អ្នកវិញដែរ។

វាគឺជារឿងដែលមនុស្សម្នាក់ៗធ្វើដាក់គ្នាទៅវិញទៅមក ប៉ុន្តែប្រសិនបើវាមានតែការទៅ ខណៈពេលដែលមិនមានអ្វីត្រឡប់មកវិញនោះ វាគឺជាសញ្ញាដែលអាចបញ្ជាក់បានយ៉ាងច្បាស់ថាចំណងមិត្តភាព មិនថាទៅលើក្រុមគ្រួសារ ឬមិត្តភក្ដិរបស់អ្នកកំពុងតែមានបញ្ហាអ្វីមួយកើតឡើងហើយ។

ខាងក្រោមនេះគឺជាសញ្ញាដែលបញ្ជាក់បានយ៉ាងច្បាស់ថាចំណងមិត្តភាពរបស់អ្នកកំពុងតែធ្លាក់ចុះខ្លាំង ឬក៏ត្រូវបានមិត្តភក្ដិកេងចំណេញយកតែផលប្រយោជន៍ពីអ្នក៖

• មិត្តរបស់អ្នកមិនដែលអរគុណ ឬកោតសរសើរអំពីទង្វើល្អៗដែលអ្នកបានលះបង់សម្រាប់ពួកគេ
• មិត្តរបស់អ្នកតែងតែចាប់កំហុស ឬទម្លាក់កំហុសឲ្យអ្នកប្រសិនបើអ្នកមិនធ្វើតាមពួកគេនោះ
• មិត្តរបស់អ្នកមិនដែលសួរអំពីបញ្ហាដែលកំពុងតែកើតឡើងក្នុងឆាកជីវិតប្រចាំថ្ងៃរបស់អ្នកឡើយ
• ពួកគេតែងតែមានបញ្ហាជានិច្ចដែលធ្វើឲ្យអ្នកគ្មានឱកាសដើម្បីសុំយោបល់ ឬការគាំទ្រពីពួកគេវិញសោះ
• មិត្តរបស់អ្នកតែងតែមានការរំពឹងទុកនឹងតម្រូវការឥតឈប់ឈរ តែមិនដែលមានពេលនឹងផ្ដល់ការជួយមកវិញទេ ជាពិសេសនៅពេលដែលអ្នកត្រូវការខ្លាំង

ពេលខ្លះពួកគេឆ្លៀតឱកាសយកផលប្រយោជន៍ទាំងនោះពីអ្នក ហើយផ្ដល់មកវិញតែភាពអន្តរាយ បំផ្លាញអារម្មណ៍ និងការបំបាក់ទឹកចិត្តរបស់អ្នក។ ប្រសិនបើអ្នកមានមិត្តភក្ដិដែលកំពុងបំបាក់ទឹកចិត្តរបស់អ្នកនោះ ត្រូវប្រាកដថាអ្នកកំពុងតែយកចិត្តទុកដាក់លើខ្លួនឯង និងធ្វើអ្វីៗគ្រប់យ៉ាងដើម្បីថែរក្សាសុខភាពផ្លូវចិត្តរបស់អ្នកឲ្យបានល្អប្រសើរឡើងវិញ និងព្យាយាមចៀសឲ្យឆ្ងាយពីពួកគេ៕

ប្រភពរូបភាព៖ Pinterest

ចុចអានបន្ត៖

• បញ្ហា ៥ យ៉ាងដែលតែងតែកើតឡើងចំពោះទំនាក់ទំនងស្នេហាក្នុងឆ្នាំនេះ
• ត្រឹមតែ ៥ ចំណុចនេះអាចបញ្ជាក់បានថាគេម្នាក់នោះពិតជាសក្កសមជាដៃគូអនាគតរបស់អ្នក