តួរឿងមហិច្ឆិតាអ៊ូម៉ីនាងបិទក្រុមហ៊ុនម្ដង ៩ តម្លៃ៦២លានដុល្លារ

2021-10-20 04:05:00
ចំនួនមតិ 0 | ចំនួនចែករំលែក 0

ក្រោយពេលបើកក្រុមហ៊ុនជាច្រើនក្នុងរយៈពេលដ៏ខ្លី តារាសម្ដែងស្រីចាស់វស្សាតៃវ៉ាន់ Ting Chang បានបិទវិញភ្លាមៗ ធ្វើឲ្យមានមន្ទិលសង្ស័យជាច្រើន។

កាលពីថ្ងៃទី ១៧ ខែតុលាមុននេះ បណ្ដាញព័ត៌មាន Sina បានរាយការណ៍ថា តារាសម្ដែងស្រីល្បីឈ្មោះតៃវ៉ាន់ Ting Chang បានបិទក្រុមហ៊ុនរបស់ខ្លួនម្ដងដល់ទៅ ៩ក្រុមហ៊ុននៅចិនដីគោក។ ក្រុមហ៊ុនទាំងនេះរបស់នាងត្រូវបានបើកកាលពីដើមឆ្នាំ ជាមួយថ្លៃដើមបោះទុនដល់ទៅ ៦២លានដុល្លារ។

បណ្ដាញព័ត៌មាន Sina បានឲ្យដឹងថា សកម្មភាពបិទក្រុមហ៊ុនព្រមគ្នាបែបនេះ គឺអាចពាក់ព័ន្ធនឹងការខុសច្បាប់ ហើយត្រូវបានរដ្ឋពិន័យទើបឈានដល់ស្ថានភាពបែបនេះ។

គួរបញ្ជាក់ផងដែរថា កាលពីឆ្នាំ ២០១៩ ក្រុមហ៊ុនលក់គ្រឿងសំអាងមួយចំនួនធ្លាប់ត្រូវបានគេព្រមានរួចទៅហើយ ដោយសារលក់ផលិតផលអត់គុណភាព។

មុននោះដែរ កាលពីឆ្នាំ២០១៨ តួរៀងមហិច្ឆិតាអ៊ូម៉ីនាង ព្រមទាំងប្ដីបានវិនិយោគលើវិស័យគ្រឿងសំអាង ហើយទទួលបានប្រាក់ចំណេញដល់ទៅ ១៧៥ដុល្លារ ហើយនាងក៏ជាអ្នកដែលត្រូវបង់ពន្ធច្រើនជាងគេផងដែរ ក្នុងវិស័យសំអាង ដោយនាងមានភាគហ៊ុនដល់ទៅ ៦៧ក្រុមហ៊ុន។ បច្ចុប្បន្ន តារាស្រីអាយុ ៥១ឆ្នាំ មិនទាន់បានឆ្លើយតបនឹងការបិទក្រុមហ៊ុននេះឡើយ៕