ការចេះជួយអ្នកដទៃគឺជារឿងដ៏ល្អ និងជាអ្វីដែលសង្គមមនុស្សត្រូវការជាចាំបាច់ ពីព្រោះវាពិតជាមានសារសំខាន់ណាស់សម្រាប់អ្នកដែលត្រូវការជំនួយ ហើយអ្នកអាចជួយផ្តល់នូវអ្វីដែលខ្វះខាត អ្វីដែលពួកគេកំពុងតែត្រូវការជាចាំបាច់។ អ្វីដែលល្អបំផុតនោះគឺវាមិនត្រឹមតែជួយអ្នកដទៃតែប៉ុណ្ណោះទេ តែវាក៏មានអត្ថប្រយោជន៍សម្រាប់អ្នកខ្លួនឯងផងដែរ។

ខណៈពេលដែលអ្នកកំពុងតែធ្វើអំពើល្អទាំងនេះ ចេះជួយយកអាសា ចេះជួយអ្នកដទៃពេលពួកគេកំពុងត្រូវការជំនួយ ដែលយើងហៅថាអំពើសប្បុរសធម៌នោះ វានឹងធ្វើឲ្យអ្នកទទួលបានភាពសប្បាយចិត្ត ហើយផលល្អៗនឹងតែងតែមករកអ្នកជានិច្ច។

វិធី ៤ យ៉ាងនេះនឹងបង្រៀនអ្នកឲ្យក្លាយជាមនុស្សដែលចេះជួយអ្នកដទៃបាន៖

• ការគោរពឲ្យតម្លៃទៅកាន់មនុស្សជុំវិញខ្លួន និងចំពោះខ្លួនឯងជារឿយៗ
• ចែករំលែកចំណេះដឹង ឬរបស់របរដែលអ្នកមានទៅកាន់អ្នកដទៃដូចជាដំបូន្មាន ការណែនាំល្អៗជាដើម
• ក្លាយជាអ្នកដែលយកចិត្តទុកដាក់ស្តាប់ពីបញ្ហារបស់អ្នកដទៃ និងបោះបង់ចោលការវិនិច្ឆ័យអ្នកដទៃតែសម្បកក្រៅ
• ចូលរួមសកម្មភាពសប្បុរសធម៌ឲ្យបានញឹកញាប់នឹងជាប្រចាំ (មិនចាំបាច់តែមានលុយនោះទេ) ការចំណាយពេលជួយ ផ្តល់របស់ដែលអ្នកមិនត្រូវការឲ្យទៅកាន់អ្នកដែលត្រូវការគឺជារឿងដែលអ្នកត្រូវធ្វើ

ក្លាយជាអ្នកជួយអ្នកដទៃមិនចាំបាច់រង់ចាំទាល់តែអ្នកនោះមានបញ្ហាហើយមករកអ្នកនោះទេ អ្នកគឺជាមនុស្សដែលត្រូវទៅស្វែងរកមនុស្សដែលកំពុងត្រូវការជំនួយ។ វាជួយទាំងអ្នកដទៃផង និងជួយអ្នកខ្លួនឯងឲ្យមានជីវិតល្អប្រសើរ សប្បាយរីករាយជាមួយនឹងទង្វើ អំពើល្អទាំងនោះដែលអ្នកបានខិតខំព្យាយាមធ្វើវាឡើង៕

ប្រភពរូបភាព៖ Pinterest

ចុចអានបន្ត៖

• រឿងដែលអ្នកត្រូវធ្វើបើមានមិត្តភក្តិកំពុងស្ត្រេសខ្លាំងរហូតដល់ចង់សម្លាប់ខ្លួន
• អត្ថប្រយោជន៍ ៤ យ៉ាងដែលអ្នកនឹងទទួលបានពីការផ្ដល់ក្ដីស្រឡាញ់ឲ្យខ្លួនឯងច្រើនៗ