កូវីដនៅកាន់តែយូរ! មនុស្សកាន់តែបាត់បង់ការស៊ូទ្រាំរហូតដល់បោះបង់ចោលសត្វចិញ្ចឹមរបស់ខ្លួន

  • 2021-09-14 04:00:00
  • ចំនួនមតិ 0 | ចំនួនចែករំលែក 0

ថ្មីៗនេះមានមនុស្សជាច្រើនបានសម្រេចចិត្តបោះបង់ចោលសត្វចិញ្ចឹមរបស់ខ្លួនដែលមានចាប់តាំងពីពេលការឃុំឃាំងនឹងបិទខ្ចប់ទូទាំងប្រទេសមក។ តាមរយះអង្គការ Dog Trust បាននិយាយថាការបោះបង់ចោលសត្វចិញ្ចឹមមានការកើនឡើងរហូតដល់ទៅជាង ៣៥ ភាគរយក្នុងរយះពេលពីរបីសប្ដាហ៍ចុងក្រោយនេះ។

វាផ្ទុយពីការទើបតែបិទប្រទេសក្នុងគ្រាដំបូងដែលមនុស្សភាគច្រើននៅតែផ្ទះធ្វើឲ្យការចិញ្ចឹមសត្វមានការកើនឡើងខ្ពស់នៅចក្រភពអង់គ្លេស ប៉ុន្តែថ្មីៗនេះមានមនុស្សជាច្រើនបានកំពុងធ្វើការពិចារណាឡើងវិញអំពីការមានសត្វចិញ្ចឹមឬអត់បន្ទាប់ពីការបិទប្រទេសមានការផ្លាស់ប្ដូរ។ នៅពេលដែលស្ថានភាពរស់នៅរបស់ម្ចាស់មានការផ្លាស់ប្តូរ កូនឆ្កែក៏មានការរីកលូតលាស់ធំធាត់ ហើយប្រទេសនៅតែមិនទាន់បញ្ចប់ការបិទខ្ចប់ទៀតដែលធ្វើឲ្យម្ចាស់ជាច្រើនត្រូវបានបង្ខំចិត្តពិចារណាឡើងវិញអំពីកន្លែងរស់នៅរបស់ពួកគេសម្រាប់ខ្លួនឯងផង និងសម្រាប់សត្វចិញ្ចឹមរបស់ពួកគេផង។

អង្គការ Dog Trust បានចាប់ផ្តើមធ្វើការស្ទាបស្ទង់មតិ ហើយជាលទ្ធផលបានបង្ហាញថាភាគច្រើននៃម្ចាស់ឆ្កែគឺជាមនុស្សវ័យក្មេង និងពេញវ័យដែលមានអាយុចន្លោះចាប់ពី ១៦ ដល់ ៣៤ ឆ្នាំ។ តាមរយះរបាយការណ៍របស់អង្គការនេះបាននិយាយថាឥឡូវនេះមានសត្វចិញ្ចឹមប្រហែលជាង ៣៤ លានក្បាលនៅចក្រភពអង់គ្លេសដែលមានសត្វឆ្កែសរុបជាង ១២ លានក្បាល។

កាលពីមុននៅពេលមានការផ្ទុះកើនឡើងនៃការចិញ្ចឹមសត្វរហូតដល់ទៅជាង ១៨០ ភាគរយវាត្រូវបានសមាគមព្រមានថា ការរីកលូតលាស់នេះអាចប្រែទៅជាវិបត្តិទៅវិញទេ៕

ប្រភពរូបភាព៖ Pinterest

ចុចអានបន្ត៖

ប្រភព៖ BBC ប្រែ​សម្រួល៖ Chrel Den

អត្ថបទថ្មី