សម្រាប់អ្នកចង់សម្រកទម្ងន់លើកដំបូង ត្រូវចេះល្បិច ៧ យ៉ាងនេះ

2021-09-10 00:00:00
ចំនួនមតិ 0 | ចំនួនចែករំលែក 0

តើអ្នកមានដែលដឹងពីរបៀបនៃការសម្រកទម្ងន់សម្រាប់ដំណាក់កាលលើកដំបូងដែរឬទេ? ការសម្រកទម្ងន់មានច្រើនវិធី ដូចជាការហាត់ប្រាណ ការតមអាហារជាដើម។ តែនៅថ្ងៃនេះ អ្នកនឹងដឹងពីរបៀបនៃការសម្រកទម្ងន់សម្រាប់អ្នកចង់ចាប់ផ្តើមដំបូងៗគួរដឹង ៧ ចំណុចនេះ៖

១. ទទួលទានទឹក ៩ កែវក្នុងមួយថ្ងៃ

រូបតំណាង

ញុំាទឹកមួយកែវមុនពេលទទួលទានអាហារ ៣០ នាទី ការស្រាវជ្រាវមួយបានបង្ហាញថាជួយសម្រកទម្ងន់បាន ៤៥% ក្នុងរយៈពេល ៣ ខែ។ ចំពោះបុរសគួរទទួលទានទឹកឲ្យបាន ១២ ទៅ ១៣ ពែង រីឯនារីគួរទទួលទានឲ្យបាន ៩ កែវក្នុងមួយថ្ងៃ។

២. ទទួលទានអាហារសរសៃ

រូបតំណាង

សណ្តែកខ្មៅ សណ្តែក Brussels ផ្លែប៊ឺរ ផ្កាខាត់ណាខៀវ ផ្លែប៉ោម និងការ៉ុត សុទ្ធតែមានគ្រឿងផ្សំ ពិសេសដែលគេហៅថាជាតិសរសៃឬ fiber។ វាមិនត្រឹមតែល្អសម្រាប់ការរក្សារាងប៉ុណ្ណោះទេ ប៉ុន្តែវាក៏ល្អសម្រាប់សុខភាពរបស់អ្នកផងដែរ ព្រោះវាជួយកាត់បន្ថយហានិភ័យនៃជំងឺទឹកនោមផ្អែមនិងជំងឺបេះដូង។

៣. កុំអង្គុយទល់មុខកន្លែងតាំងចំណីអាហារ

រូបតំណាង

ចូរអ្នកព្យាយាមអង្គុយឲ្យឆ្ងាយពីកន្លែងដាក់តាំងចំណីអាហារនៅតាមភោជនីយដ្ឋានផ្សេងៗ ព្រោះថានៅពេលអ្នកចំណាយពេលអង្គុយយូរៗនៅទល់មុខនោះ ចំណង់នៃការឃ្លានរបស់អ្នកនឹងកាន់តែកើនឡើង។

៤. ទទួលយកវីតាមីន D ឲ្យបានច្រើន

រូបតំណាង

ពន្លឺព្រះអាទិត្យគឺមានឥទ្ធិពលក្នុងការបញ្ចុះទម្ងន់របស់អ្នក។ ការសិក្សាបានបង្ហាញថា បន្ទាប់ពីការតាមដានស្ត្រី ៤ ៦៥៩ នាក់អស់រយៈពេល ៤ ឆ្នាំកំរិតខ្ពស់នៃវីតាមីនគឺមានការឡើងទម្ងន់តិច។ អ្នកអាចអង្គុយទទួលយកពន្លឺព្រះអាទិត្យរយៈពេល ១០ ទៅ ១៥ នាទីជារៀងរាល់ព្រឹកដើម្បីទទួលបានប្រសិទ្ធភាព។

៥. បរិភោគអាហារតិចៗ តែច្រើនប្រភេទ

រូបតំណាង

ដើម្បីចៀសវាងការញុំាលើសកម្រិត អ្នកគួរតែមានរបបអាហារតិចៗតែច្រើនមុខក្នុងរបបអាហាររបស់អ្នកមួយពេលៗ។ ជាការប្រសើរ អ្នកគួរតែមានម្ហូបអាហារតិចនៅលើតុ តែច្រើនមុខប្រសើរជាងអាហារច្រើនតែមួយមុខៗ។

៦. កុំទទួលទានតែជាមួយទឹកដោះគោ

រូបតំណាង

អ្នកស្រាវជ្រាវនិយាយថា នៅក្នុងទឹកតែមានបរិមាណខ្ពស់នៃសមាសធាតុដែលជួយកាត់បន្ថយជាតិខ្លាញ់។ រីឯប្រូតេអុីននៅក្នុងទឹកដោះគោលុបចោលសមត្ថភាពប្រយុទ្ធប្រឆាំងនឹងជាតិខ្លាញ់នេះនៅក្នុងតែ។ ដូច្នេះប្រសិនបើអ្នកចង់កំចាត់អារម្មណ៍នៃការឃ្លានអ្វីមួយនៅពេលយប់គ្រាន់តែផឹកតែមួយកែវដោយគ្មានទឹកដោះគោទៅគឺគ្រប់គ្រាន់ហើយ។

៧. ចែករំលែកអាហារជាមួយអ្នកដទៃ

រូបតំណាង

ចែករំលែកអាហារជាមួយអ្នកដទៃពេលទទួលទាន ពិសេសជាមួយដៃគូររបស់អ្នកពេលចេញក្រៅញុំាអីម្តងៗ។ នេះជាវិធីងាយៗសម្រាប់ការសម្រកទម្ងន់ ក្រោយពីការទទួលទានរបៀបនេះអ្នកនឹងមិនខ្លាចក្នុងការទទួលទានបង្អែមបន្ទាប់ពីបរិភោគអាហារទៀតឡើយ។

ចុចអានបន្ត៖

ទទួលទានអាហារ ៥ មុខនេះជួយទប់ទល់នឹងជំងឺវង្វេងស្មារតី

ប្រភព៖ Brightside ប្រែសម្រួល៖ សុវណ្ណ ស្រីពីន