ភាពសប្បាយ កើតទុក្ខ ជម្លោះ និងការប៉ះទង្គិចគ្នាជារើយៗតែងតែកើតឡើងមិនថាជាមួយគូស្នេហ៍ មិត្តភក្តិ ឬក្រុមគ្រួសារឡើយវានឹងកើតឡើងចំពោះមនុស្សលោក។ ទោះបីជាអ្នកធ្លាប់មានទំនាក់ទំនងស្នេហាដែលបរាជ័យជាច្រើនលើកក្នុងពេលកន្លងមករួចក៏ដោយ ឬកំពុងតែជួបការលំបាកក្នុងការបង្កើតស្នេហាឲ្យមានសុភមង្គលនៅក្នុងទំនាក់ទំនងដៃគូបច្ចុប្បន្នរបស់អ្នកនោះ ត្រូវចាំថាអ្នកពិតជាអាចធ្វើការដោះស្រាយ និងជួសជុលវាឲ្យបានប្រសើរឡើងវិញបាន។

អ្នកខ្លះអាចថែរក្សាទំនាក់ទំនងស្នេហានោះបានគង់វង់យូរអង្វែង តែអ្នកខ្លះទៀតមិនអាច? នោះគឺវាអាស្រ័យទៅលើការខិតខំព្យាយាមរបស់អ្នក ការឆ្លងកាត់ឧបសគ្គ ការប្តេជ្ញាចិត្ត និងឆន្ទៈក្នុងការសម្របសម្រួលគ្នាជាមួយដៃគូរបស់អ្នក។ ដូច្នេះដល់ពេលដែលអ្នកត្រូវតែអនុវត្តតាមគោលការណ៍សំខាន់ៗទាំងនេះ ដើម្បីអាចជួសជុលនឹងធ្វើឲ្យទំនាក់ទំនងស្នេហាមានសុភមង្គល។

ធ្វើរឿងទាំងបីនេះជាប្រចាំជាមួយដៃគូសង្សាររបស់អ្នក ដើម្បីឲ្យទំនាក់ទំនងស្នេហាមានសុភមង្គលលល្អ៖

១. ការប្រាស្រ័យទាក់ទងគ្នាដោយបើកចំហ និងផ្ដល់ភាពស្មោះត្រង់ជាមួយដៃគូរបស់អ្នកក្នុងការពិភាក្សារកដំណោះស្រាយ

២. ការប្តេជ្ញាចិត្តចំណាយពេលវេលា រួមសុខរួមទុក្ខ និងការចែករំលែកគោលដៅដើរឈ្ពោះទៅអនាគតជាមួយគ្នា

៣. ស្វែងរកអ្វីមួយដែលអ្នកចូលចិត្តធ្វើជាមួយគ្នា ឬក៏សាកល្បងអ្វីៗដែលថ្មីជាមួយគ្នា ហើយអ្វីដែលសំខាន់នោះគឺផ្តោតលើការសប្បាយចិត្តរបស់ដៃគូទាំងសងខាង

វានឹងមិនមានសុភមង្គលពិតទេប្រសិនបើអ្នកមិនមានឆន្ទៈ ឬមិនអាចអភ័យទោសឲ្យគ្នាទៅវិញទៅមកនោះ។ ការអភ័យទោស និងការផ្តល់ឱកាសឲ្យគ្នាគឺជាវិធីក្នុងការដោះស្រាយជម្លោះ និងផ្តល់សុភមង្គលដល់ទំនាក់ទំនងស្នេហា។ ព្យាយាមធ្វើការអនុវត្តតាមវិធីទាំងបីខាងលើនេះជាប្រចាំជាមួយដៃគូដើម្បីសុភមង្គលអ្នកទាំងពីរ៕

ប្រភពរូបភាព៖ Pinterest

ចុចអានបន្ត៖

• រឿងសំខាន់ទាំង ៤ យ៉ាងដែលដៃគូសង្សារស្មោះពិតនឹងធ្វើចំពោះអ្នក
• ធ្វើរឿងទាំង ៦ យ៉ាងនេះនឹងជួយអ្នកដោះស្រាយការប្រចណ្ឌរបស់ដៃគូ