ការច្រណែនប្រចណ្ឌគឺជាអារម្មណ៍ប្រតិកម្មតបទៅនឹងការមើលឃើញ ការដឹងទៅលើដៃគូម្ខាងទៀតរបស់អ្នក ហើយការច្រណែនប្រចណ្ឌមានច្រើនប្រភេទណាស់ ដូចជាមិត្តភក្តិ ការងារ គ្រួសារ សង្គមមនុស្ស និងជាពិសេសនោះគឺរវាងដៃគូសង្សារ គូស្វាមីភិរិយាដែលវាតែងតែកើតមានឡើងជាប្រចាំ។ មនុស្សគ្រប់គ្នានឹងជួបប្រទះការច្រណែន ការប្រចណ្ឌឈ្នានីសនៅចំណុចណាមួយក្នុងដំណើរជីវិតរបស់ពួកគេ។

នៅក្នុងទំនាក់ទំនងស្នេហា ប្រសិនបើអ្នកមានការច្រណែន និងការប្រចណ្ឌហួសហេតុពេក វាអាចនឹងបំផ្លាញសុភមង្គលអាពាហ៍ពិពាហ៍របស់អ្នកបាន។ ដូច្នេះអ្នកគួររៀនគ្រប់គ្រប់ការច្រណែនប្រចណ្ឌរបស់អ្នកឲ្យបានល្អដើម្បីទទួលបានសុភមង្គលនៅក្នុងទំនាក់ទំនងស្នេហារបស់អ្នក។

ទាំងនេះគឺជាវិធីដោះស្រាយប្រសិនបើដៃគូសង្សារ ឬស្វាមីភិរិយារបស់អ្នកមានភាពប្រចណ្ឌហួសហេតុពេក៖

• ព្យាយាមបង្កើតការទុកចិត្តគ្នាឲ្យបានកាន់តែច្រើនជាងការប្រចណ្ឌ
• ត្រូវចាត់ទុកថាការច្រណែនប្រចណ្ឌខ្លះគឺជារឿងធម្មតាទៅហើយសម្រាប់ដៃគូ
• អ្នកត្រូវទទួលស្គាល់ថាដៃគូរបស់អ្នកជាមនុស្សប្រចណ្ឌ ដូច្នេះចៀសវាងការធ្វើអ្វីមួយឲ្យគាត់ប្រចណ្ឌ
• ចៀសវាងការស៉ើបអង្កេត តែសួរនាំដោយផ្ទាល់អំពីអារម្មណ៍ច្រណែនប្រចណ្ឌទាំងនោះ
• អ្នកត្រូវទទួលស្គាល់ថាការច្រណែនប្រចណ្ឌអាចធ្វើឲ្យប៉ះពាល់ដល់សុភមង្គលរបស់អ្នកបាន
• ធ្វើការផ្លាស់ប្តូរអាកប្បកិរិយារបស់អ្នក ពីព្រោះអ្នកមិនអាចគ្រប់គ្រងអារម្មណ៍អ្នកដទៃបានទេ ប៉ុន្តែអ្នកអាចគ្រប់គ្រងប្រតិកម្មរបស់អ្នកទៅកាន់ដៃគូបាន

នៅពេលការប្រចណ្ឌច្រណែនច្រើនហួសកម្រិតនោះ វាអាចបំផ្លាញទំនាក់ទំនងរបស់អ្នក និងអាចចាត់ទុកបានថាជាអំពើហិង្សាដោយប្រយោល។ ប្រសិនបើអ្នកកំពុងតែជួបប្រទះការប្រចណ្ឌច្រណែនដ៏លើសលប់ដែលមិនអាចទទួលយកបាននោះ អ្នកកំពុងត្រូវបានដៃគូប្រើអំពើហិង្សាដាក់ហើយ។ ព្យាយាមធ្វើការដោះស្រាយជាមួយដៃគូតាមវិធីទាំង ៦ ខាងលើនេះសិន បើវានៅតែមិនមានប្រសិទ្ធិភាពទេគួរតែស្វែងរកជំនួយដើម្បីសុភមង្គលអ្នកទាំងពីរ៕

ប្រភពរូបភាព៖ Pinterest

ចុចអានបន្ត៖

• បើគាត់មានចំណុចទាំង ៥ នេះបញ្ជាក់ថាគាត់ពិតជាល្អសក្កសមសម្រាប់អ្នកខ្លាំងណាស់
• ហេតុផល ៦ យ៉ាងដែលមនុស្សសព្វថ្ងៃនេះជ្រើសរើសភាពនៅលីវច្រើនជាង