មនុស្សគ្រប់ៗគ្នាតែងតែមានការគិត ឬមានភាពអវិជ្ជមាននៅក្នុងខ្លួនកើតឡើងពេលខ្លះដែលវាជារឿងធម្មតាទៅហើយសម្រាប់មនុស្សលោក។ ប៉ុន្តែប្រសិនបើអ្នកបណ្តោយខ្លួនឲ្យធ្លាក់ក្នុងភាពទុទិដ្ឋិនិយម ឬការគិតតែភាពអវិជ្ជមានជាញឹកញាប់ពេកនោះវានឹងផ្តល់ផលមិនល្អឡើយចំពោះអ្នក ទាំងសុខភាពផ្លូវចិត្តនឹងសុខភាពរាងកាយ។

គំនិតអវិជ្ជមានគឺមានគោលបំណងឬហេតុផលរបស់វា ប៉ុន្តែអ្នកមិនគួរអនុញ្ញាតឲ្យពួកវាស្ថិតនៅក្នុងខ្លួនរបស់អ្នកយូរឡើយ បើសិនជាអាចត្រូវរកវិធីយកចេញភ្លាមទើបល្អ។

អ្នកអាចធ្វើការផ្លាស់ប្តូរភាពអវិជ្ជមានទាំងប៉ុន្មានឲ្យទៅជាភាពវិជ្ជមានវិញដោយគ្រាន់តែអនុវត្តតាមវិធីទាំង ៤ ខាងក្រោមនេះ៖

• ស្វែងរកភាពវិជ្ជមានដែលអ្នកមានកន្លងមក ហើយលើកវាយកមកធ្វើការគ្របដណ្ដប់ទៅលើភាពអវិជ្ជមានទាំងប៉ុន្មានដែលអ្នកកំពុងមាន
• ការបង្ហាញពីអារម្មណ៍អវិជ្ជមានទាំងនោះឲ្យចេញមកក្រៅ អ្នកអាចធ្វើការសរសេរវាឡើងឬក៏និយាយទៅកាន់មិត្តភក្ដិដែលអាចស្ដាប់ពីបញ្ហាទាំងនោះ
• ធ្វើអ្វីមួយឬដាក់ខ្លួនឲ្យនៅក្នុងរង្វង់នៃភាពវិជ្ជមានជានិច្ចដោយចាប់ផ្តើមពីការញញឹមនាពេលព្រឹកព្រលឹម ការនៅជាមួយមនុស្សដែលមានភាពវិជ្ជមាន
• រៀនគ្រប់គ្រងអារម្មណ៍អវិជ្ជមានរបស់អ្នកតាមរយៈការគិតវិនិច្ឆ័យពីហេតុផល កុំយកការរិះគន់មកដាក់ខ្លួន និងកុំធ្វើអ្វីដោយប្រើអារម្មណ៍ ធ្វើអ្វីមួយដោយផ្អែកទៅលើហេតុផល

នៅពេលដែលអ្នកចាប់ផ្តើមធ្វើបែបនេះ បញ្ហាទាំងនោះនឹងបាត់ទៅបន្តិចម្តងៗ និងផ្តល់មកវិញនូវភាពល្អប្រសើរ។ អ្នកក៏អាចផ្តល់ភាពវិជ្ជមានទៅកាន់មនុស្សជុំវិញខ្លួន ពីព្រោះវានឹងជៈឥទ្ធិពលល្អមកឲ្យអ្នកវិញដែលធ្វើការផ្លាស់ប្តូរ ការកែលម្អ និងធ្វើឲ្យដំណើរជីវិតរបស់អ្នកដើរទៅប្រកបដោយភាពសប្បាយរីករាយនឹងភាពវិជ្ជមាន៕

ប្រភពរូបភាព៖ Pinterest

ចុចអានបន្ត៖

• វិធីងាយៗ ៤ យ៉ាងដើម្បីជួយកាត់បន្ថយស្ត្រេសខណៈពេលកំពុងធ្វើការពីផ្ទះ
• គុណប្រយោជន៍ ៤ យ៉ាងនៃការមានទឹកចិត្តល្អចំពោះខ្លួនឯង