សេចក្ដីមេត្ដាករុណាគឺជាអ្វីដែលមនុស្សទូទៅគួរតែមាន វាត្រូវបានគេចាត់ទុកថាជាទង្វើនៃសេចក្ដីស្រឡាញ់ អំពើល្អ ចិត្តសប្បុរស និងការយកចិត្តទុកដាក់ចំពោះមនុស្សជុំវិញខ្លួន។ មនុស្សជាច្រើនទទួលស្គាល់ថាវាជាចរិតដ៏ល្អប្រពៃដែលគួរតែបានធ្វើឡើងជាប្រចាំ ជាពិសេសនោះគឺការផ្ដល់វាសម្រាប់ខ្លួនឯងឲ្យបានច្រើនៗ។

ការអធ្យាស្រ័យចំពោះខ្លួនឯង ឬទង្វើដែលធ្វើល្អចំពោះខ្លួនឯងអាចធ្វើឲ្យមនុស្សជាច្រើនមានគំនិតគិតថាវាជាអកប្បកិរិយាអំនួតឬអាត្មានិយម ប៉ុន្តែវាប្រៀបបានដូចជាពួកគេថាឲ្យខ្លួនឯងដែរ ពីព្រោះមនុស្សគ្រប់រូបតែងតែចង់បានទឹកចិត្តល្អទាំងនោះពីអ្នកដទៃ ពួកគេត្រូវការវាពីអ្នក ហើយអ្នកវិញក៏ត្រូវការវាពីពួកគេដែរ។

ទាំងនេះហើយគឺជាអត្ថប្រយោជន៍ ៤ យ៉ាងដែលអ្នកនឹងទទួលបានពីការមានទឹកចិត្តល្អចំពោះខ្លួនឯង៖

១. វាធ្វើឲ្យអ្នកចង់ធ្វើការកែលម្អអ្វីមួយក្នុងជីវិតឲ្យបានប្រសើរឡើង

២. គុណប្រយោជន៍ល្អៗជាច្រើនសម្រាប់សុខភាពផ្លូវចិត្តរបស់អ្នក

៣. ជួយធ្វើឲ្យអ្នកមានទំនាក់ទំនងល្អមិនថាស្នេហា ក្រុមគ្រួសារមិត្តភក្តិ ឬសង្គមរស់នៅឡើយ

៤. ហើយវានឹងជួយធ្វើឲ្យការគិតរបស់អ្នកមានការរីកចម្រើន និងគិតតែរឿងវិជ្ជមានដែលល្អសម្រាប់ការរស់នៅ

ការមានទឹកចិត្តល្អចំពោះខ្លួនឯងគឺជារឿងមួយដ៏សំខាន់បំផុត ពីព្រោះវានឹងធ្វើឲ្យអ្នកកាន់តែរីករាយក្នុងការធ្វើអ្វីមួយឲ្យបានល្អប្រសើរឡើងនៅក្នុងការរស់នៅ ហើយព្រមទាំងផ្ដល់នូវអត្ថប្រយោជន៍ល្អៗជាច្រើនសម្រាប់សុខភាពផ្លូវចិត្តរបស់អ្នកទៀតផង។ ការអាណិតអាសូរចំពោះខ្លួនឯងវាអាចជារឿងមួយពិបាកក្នុងការអនុវត្ត ប៉ុន្តែប្រសិនបើអ្នកអាចធ្វើវាបាននោះអ្នកនឹងចេះលើកទឺកចិត្តខ្លួនឯងនៅពេលណាដែលអ្នកប្រឈមមុខជាមួយឧបសគ្គ៕

ប្រភពរូបភាព៖ Pinterest

ចុចអានបន្ត៖

• ច្បាប់ងាយៗនឹងសាមញ្ញទាំង ៥ ដើម្បីភាពសប្បាយរីករាយនឹងសុភមង្គលក្នុងការរស់នៅ
• រឿង ២ យ៉ាងដែលត្រូវធ្វើបើអ្នកមានអារម្មណ៍ថាសោកសៅពិបាកចិត្តអស់សង្ឃឹម