ការជ្រើសរើសរបបអាហារ ឬវិធីហាត់ប្រាណគឺពិតជាសំខាន់ណាស់ បើរើសខុសអាចធ្វើឲ្យកាន់តែយ៉ាប់។ វាសំខាន់ណាស់ដែលអ្នកជ្រើសរើសវិធីហាត់ប្រាណ ឬក៏របបអាហារឲ្យបានត្រឹមត្រូវទៅនឹងអ្វីដែលរាងកាយរបស់អ្នកត្រូវការជាចាំបាច់។ ពីព្រោះវិធីអនុវត្តប្រហែលជាដូចគ្នាទេ ប៉ុន្តែប្រហែលជាប្រព័ន្ធសរីរាង្គនៃរាងកាយរបស់អ្នកខុសពីគេ ទើបធ្វើឲ្យលទ្ធផលចេញមកមិនដូចគ្នា។

អនុវត្តទម្លាប់ទាំង ៤ យ៉ាងនេះដើម្បីឲ្យមានរាងស្អាត និងសុខភាពល្អប្រសើរខណៈជាប់នៅផ្ទះមិនអាចទៅណាបាន៖

១. ញ៉ាំបន្លែផ្លែឈើឲ្យបានច្រើន ដើម្បីទទួលបានជីវជាតិល្អពិតពីបន្លែបៃតងស្រស់ និងផ្លែឈើផងដែរ

២. កុំទម្លាប់នៅមួយកន្លែង ព្យាយាមដើរ ឬធ្វើនេះធ្វើនោះនៅក្នុងផ្ទះឲ្យបានច្រើន មានភាពសកម្មដូចជាហាត់ប្រាណ

៣. បរិភោគអាហារប្រូតេអ៊ីនគ្រប់ពេល និងរាល់ពេលអាហារសម្រន់ ដូចជាស៊ុត ប្រភេទគ្រាប់ធុញ្ញជាតិ និងទឹកដោះគោជាដើម

៤. ព្យាយាមផឹកទឹកឲ្យបានច្រើន ទឹកមានសារៈសំខាន់ណាស់សម្រាប់រក្សាមុខងាររាងកាយជាច្រើនរបស់យើងឲ្យដំណើរការបានល្អ

មានមនុស្សជាច្រើនចង់បានបែបនេះ ឬបែបនោះ ប៉ុន្តែមិនមានភាពជាក់លាក់ ឬប្រាកដប្រជាដើម្បីធ្វើ និងសម្រេចវាឡើយ។ ការតាំងចិត្តនឹងកំណត់គោលដៅគឺជាវិធីដ៏ល្អមួយដើម្បីឲ្យអ្នកផ្តោតអារម្មណ៍ និងមានទំនួលខុសត្រូវចំពោះអ្វីដែលអ្នកចង់បាន៕

ប្រភពរូបភាព៖ Pinterest

ចុចអានបន្ត៖

• គ្រឿងផ្សំ ៣ យ៉ាងក្នុងការព្យាបាលសក់ខូច
• បើមិនចង់ឲ្យបបូរមាត់ស្ងួតកុំធ្វើរឿងបួនយ៉ាងនេះ