ជាធម្មតាយើងមិនបានដឹងថាមនុស្សម្នាក់នោះបានឆ្លងកាត់ការឈឺចាប់អ្វីខ្លះឡើយ ហើយយើងរឹតតែមិនអាចជួយដោះស្រាយបញ្ហាមួយចំនួនរបស់គេបានទៀត។ វាពិតជាពិបាកណាស់ក្នុងការឆ្លើយតប ការនិយាយ ការបញ្ចេញសកម្មភាព ឬដំបូន្មានទៅកាន់ពួកគេដែលកំពុងតែមានវិបត្តិផ្លូវចិត្តយ៉ាងធ្ងន់ធ្ងរនោះ។

ប៉ុន្តែប្រសិនបើមាននរណាម្នាក់ប្រាប់អ្នកអំពីគំនិតចង់ធ្វើអត្តឃាតខ្លួនឯងនោះ អ្នកត្រូវតែយកចិត្តទុកដាក់ចំពោះពួកគេឲ្យខ្លាំងមែនទែន។ អ្វីដែលអ្នកអាចធ្វើបាននោះគឺការស្តាប់ ហើយផ្តល់ទៅវិញជាការលើកទឹកចិត្ត ធ្វើអ្វីៗ និងនិយាយអ្វីៗដែលធ្វើឲ្យគេនោះមានភាពវិជ្ជមានចំពោះខ្លួនឯង។

ទាំងនេះគឺជារឿង ៥ យ៉ាងដែលអ្នកអាចផ្ដល់ឲ្យពួកគេដើម្បីជាការលើកទឹកចិត្តជួយពួកគេ៖

• ឧស្សាហជួបនឹងសួរនាំអំពីអារម្មណ៍របស់គេ ថាតើមានភាពល្អប្រសើរខ្លះហើយឬនៅ
• ការសួរនាំគឺជាវិធីដ៏ល្អដើម្បីឲ្យពួកគេបញ្ចេញការពិត ការឈឺចាប់ទាំងនោះមកក្រៅ
• ធ្វើចិត្តឲ្យស្ងប់ហើយកុំធ្វើការវិនិច្ឆ័យពួកគេឲ្យសោះ តែគួរផ្តល់ដំបូន្មានល្អៗទៅកាន់ពួកគេវិញ
• ផ្តល់នូវការជឿជាក់ទុកចិត្ត ផ្ដល់ភាពកក់ក្តៅខាងផ្នែករាងកាយនឹងផ្លូវចិត្តដែលពួកគេអាចនិយាយបើកចំហអំពីបញ្ហា និងបង្ហាញអំពីអារម្មណ៍របស់ពួកគេ

ត្រូវចាំថាបើគេបានបញ្ចេញរឿងនោះប្រាប់អ្នក វាគឺជាសញ្ញាមួយដែលបានប្រាប់ថា ពួកគេពិតជាត្រូវការជំនួយ និងចង់ធ្វើការព្យាបាលវាឲ្យបានជាសះស្បើយ៕

ប្រភពរូបភាព៖ Pinterest

ចុចអានបន្ត៖

• ៤ វិធីនេះធ្វើឲ្យអ្នកចេះស្រឡាញ់ខ្លួនឯងច្រើនជាងមុន
• ៤ ហេតុផលដែលអ្នកត្រូវស្រឡាញ់ខ្លួនឯងឲ្យបានច្រើនៗជាងអ្នកណាទាំងអស់