មនុស្សគ្រប់ៗគ្នាគឺតែងតែខិងខំព្យាយាមធ្វើយ៉ាងណាដើម្បីឲ្យមនុស្សជុំវិញខ្លួនស្រឡាញ់ចូលចិត្ត! ការទទួលបានការស្វាគមន៍ពីអ្នកដទៃ ឬធ្វើទៅកាន់គេវិញគឺជារឿងមួយដែលមនុស្សគ្រប់គ្នាចង់បាន ទាំងភាពរស់រាយរាក់ទាក់ ការចេះជួយអ្នកដទៃដែលត្រូវការ និងចំពោះមនុស្សជុំវិញខ្លួន។ ការធ្វើបែបនេះនឹងធ្វើឲ្យអារម្មណ៍អ្នករំភើប ធ្វើឲ្យគេស្រឡាញ់ចូលចិត្តអ្នក និងធ្វើឲ្យអ្នកដទៃមានអារម្មណ៍សប្បាយចិត្ត ទុកចិត្ត មានសុវត្ថិភាពរាល់ពេលណាដែលពួកគេនៅជិតអ្នក។

ប៉ុន្តែវាមិនដែលងាយស្រួលនោះទេពីព្រោះការគិតការយល់ឃើញរបស់មនុស្សម្នាក់ៗមានភាពខុសគ្នាទាំងស្រុង។ វាត្រូវការពេលវេលាយូរ កម្លាំងញើសឈាម ការផ្តល់របស់របរជាច្រើនទម្រាំអ្នកទទួលបានការស្រឡាញ់ទុកចិត្តនោះ ហើយពេលខ្លះក៏មិនទទួលបានផងដែរ។

អកប្បកិរិយាទាំង ៥ យ៉ាងនេះធ្វើឲ្យបុរសៗ និងមនុស្សជុំវិញខ្លួនស្រឡាញ់ចូលចិត្តអ្នក៖

១. ភាពជឿជាក់នឹងមានទំនុកចិត្តលើខ្លួនឯង

២. ការញញឹមរស់រាយរាក់ទាក់ និងចេះសួរនាំ

៣. ការយកចិត្តទុកដាក់ក្នុងការស្តាប់នឹងឆ្លើយតបទៅកាន់គេវិញ

៤. ការគោរពឲ្យតម្លៃគេដោយគ្មានហេតុផលថាមិនអាច ពីព្រោះមនុស្សម្នាក់ៗគឺមានតម្លៃរៀងៗខ្លួន

៥. ការចេះជួយយកអាសាអ្នកជុំវិញខ្លួនគឺធ្វើអំពើល្អ និងមានចិត្តសប្បុរសជានិច្ចនឹងកុំឲ្យសោះការប្រៀបធៀប វាយតម្លៃអ្នកដទៃដោយផ្អែកតែលើការគិតរបស់អ្នកនោះ

ការធ្វើឲ្យអ្នកដទៃមានអារម្មណ៍ថាចូលចិត្តអ្នក មានអារម្មណ៍ថាមានសុវត្ថិភាពគ្រប់ពេលនោះវាគឺជារឿងដ៏សំខាន់សម្រាប់មនុស្សនៅក្នុងសង្គមរស់នៅ។ អាចបង្កើតទំនាក់ទំនងថ្មីៗ ចំណងមិត្តិភាពរឹងមាំ និងពង្រឹងខ្លួនឯងក្នុងភាពវិជ្ជមានជានិច្ច៕

ប្រភពរូបភាព៖ Pinterest

ចុចអានបន្ត៖

• អត្ថប្រយោជន៍ល្អៗទាំង ៧ យ៉ាងដែលអ្នកនឹងទទួលបានពីការឱប
• វិធីសាស្ត្រ ៤ យ៉ាងនេះអាចជួយគ្រប់គ្រងកំហឹងរបស់អ្នកបាន