សូមកុំច្រឡំឲ្យសោះនូវពាក្យថា ភាសានៃក្តីស្រឡាញ់ គឺគ្រាន់តែជាការនិយាយទៅកាន់ដៃគូនោះ អូនស្រឡាញ់បង ឬបងស្រឡាញ់អូន វាជាការពិតមែន តែន័យក្នុងនេះវាប្រៀបបានដូចជាភាសាកាយវិកាអញ្ចឹង។ ដូចគ្នានេះដែលភាសានៃក្តីស្រឡាញ់អាចជួយឲ្យអ្នកយល់ពីអារម្មណ៍នៃដៃគូរបស់អ្នកបានច្រើនជាងមុន ពីព្រោះវាមិនមែនត្រឹមតែការនិយាយប៉ុណ្ណោះទេ ប៉ុន្តែវាជាការបញ្ចេញនឹងបង្ហាញពីក្តីស្រឡាញ់របស់អ្នកទៅកាន់ពួកគាត់។

ដៃគូនីមួយៗមានការប្រើនឹងបញ្ចេញភាសានៃសេចក្តីស្រឡាញ់តាមវិធីផ្សេងៗគ្នា តែនៅពេលដែលអ្នកយល់អំពីអត្ថន័យរបស់វានោះ ទំនាក់ទំនងស្នេហារបស់អ្នកទាំងពីរនឹងបានប្រសើរឡើង។ ហើយភាសានៃក្តីស្រឡាញ់ ៥ ចំណុចនេះដែលអ្នកគួរតែធ្វើវាជាមួយដៃគូរបស់អ្នកឲ្យបានញឹកញាប់៖

១. សេចក្តីស្រឡាញ់ ការសរសើរដែលចេញពីក្នុងចិត្ត ទាំងការគិតនឹងការនិយាយចេញមកថាអូនស្រឡាញ់បង ឬបងស្រឡាញ់អូន

២. សកម្មភាពនៃការជួយ អ្នកខ្លះមិនសូវពូកែក្នុងការនិយាយ តែអ្នកអាចជួយធ្វើការងារគ្រប់យ៉ាងដោយមិនចាំបាច់សួរឬសុំពីដៃគូ ធ្វើវាដោយស្ម័គ្រចិត្ត ដោយក្តីស្រឡាញ់

៣. ការទទួលបានកាដូ មិនចាំបាច់ថ្ងៃពិសេស ឬបុណ្យទានអ្វីឡើយ ជាផ្កាមួយទង នំ ឬផ្លែឈើដែលគាត់ចូលចិត្តយកមកឲ្យ វានឹងធ្វើឲ្យដៃគូសប្បាយចិត្ត និងស្រឡាញ់អ្នកកាន់តែខ្លាំង

៤. ពេលវេលាគ្រប់គ្រាន់ឲ្យគ្នា ការចំណាយពេលជាមួយគ្នាគឺជាអ្វីដែលដៃគូចង់បានបំផុត ទុកទូរសព្ទចោលហើយមើលទូរទស្សន៍ជាមួយគ្នា ចម្អិនម្ហូប ឬដើរលេងក្នុងសួនកំសាន្តជាមួយគ្នាជាដើម

៥. ការផ្តល់ចំណង់ផ្លូវភេទ កុំនិយាយឲ្យសោះថាផ្លូវភេទមិនសំខាន់ សំខាន់នោះគឺសេចក្តីស្រឡាញ់! ការពិតនោះវាគឺជារឿងដ៏សំខាន់បំផុតសម្រាប់ជីវិតដៃគូ

ខិតខំព្យាយាមធ្វើរឿងទាំង ៥ នេះដើម្បីឲ្យទំនាក់ទំនងស្នេហារបស់អ្នកមានសុភមង្គលកាន់តែប្រសើរឡើយ៕

ប្រភពរូបភាព៖ Pinterest

ចុចអានបន្ត៖

• ៥ វិធីក្នុងការជួសជុលនៅលើរឿងបញ្ហាស្នេហា
• ៨ សញ្ញាដែលបញ្ចាក់ថាអ្នកគួរតែធ្វើការបញ្ចប់ទំនាក់ទំនងស្នេហារបស់អ្នក