ចំពោះមនុស្សមួយចំនួនធំរឿងរ៉ាវនៃការសោកសៅ ការខូចចិត្តខណៈពេលដែលខ្លួននៅលីវត្រូវបានគេធ្វើការផ្លាស់ប្ដូរនៃការគិតដែលផ្ទុយស្រលះកាលពីមុន។ សព្វថ្ងៃនេះមនុស្សសម័យទំនើបបានចាប់ផ្តើមធ្វើការស្វែងយល់ទៅលើអ្វីដែលពួកគេទទួលបានចំពោះការរស់នៅតែម្នាក់ឯង ហើយនឹងបានរៀនរីករាយសប្បាយចិត្តទៅនឹងជីវិតនៅលីវរបស់ពួកគេ។ ប៉ុន្តែតើអ្នកដឹងទេថាហេតុអ្វីទៅបានជាអ្នកខ្លះជ្រើសរើសបែបនេះ? មានហេតុផលផ្សេងៗគ្នាជាច្រើនដែលមនុស្សសព្វថ្ងៃចង់រស់នៅម្នាក់ឯងក្នុងរយៈពេលយូរ ឬប្រហែលជារហូតក៏មានដែរ។ ទាំងនេះគឺជាហេតុផល ៥ យ៉ាងដែលធ្វើឲ្យមនុស្សមួយចំនួនសម្រេចចិត្តនៅលីវ៖

១. ពួកគេមានពេលវេលាគ្រប់គ្រាន់ដើម្បីរីករាយជាមួយក្រុមគ្រួសារមិត្តភក្តិ និងចំណាយពេលផ្ទាល់ខ្លួន

២. នៅពេលមនុស្សកាន់តែចាស់ ជីវិតនៅលីវចាប់ផ្តើមក្លាយជាជម្រើសដ៏ល្អប្រសើរជាងសម្រាប់ពួកគេ

៣. ពួកគេចូលចិត្តរក្សាជីវិតរបស់ពួកគេដោយភាពសាមញ្ញ និងដោយគ្មានការធ្វើទុក្ខរំខានពីដៃគូ

៤. ពួកគេមានគោលបំណងផ្ទាល់ខ្លួន និងមានក្ដីស្រមៃដែលខ្លួនចង់សម្រេចឲ្យបាន​ជោគជ័យ

៥. មនុស្សមួយចំនួនមានការលំបាកក្នុងការទុកចិត្តអ្នកដទៃ

នៅក្នុងទំនាក់ទំនងអ្នកមិនអាចមានឱកាសច្រើនក្នុងការធ្វើអ្វីមួយដូចជាពេលដែលអ្នកនៅលីវឡើយ។ ពេលនៅលីវអ្នកអាចធ្វើរឿងគ្រប់យ៉ាងដោយខ្លួនឯង ការលើកកម្ពស់ភាពទន់ខ្សោយរបស់អ្នកឲ្យកាន់តែរឹងមាំ និងការបង្កើតពេលវេលាល្អៗសប្បាយរីករាយសម្រាប់ខ្លួនឯង។ ហើយនៅពេលដែលអ្នកមិនមាននរណាម្នាក់នោះ អ្នកមានពេលវេលាច្រើនទៀតសម្រាប់ការងារ អាជីវកម្ម ការសម្រាកលំហែកាយ និងសេរីភាពក្នុងការជ្រើសរើសអ្វីដែលអ្នកចង់ធ្វើនៅពេលទំនេរ។ ទាំងនេះគឺជាហេតុផលដែលមនុស្សជាច្រើនសម្រេចចិត្តនៅលីវនោះ៕

ប្រភពរូបភាព៖ Pinterest

ចុចអានបន្ត៖

• រឿង ៦ យ៉ាងដែលអ្នកត្រូវចងចាំនៅពេលជីវិតធ្លាក់ចុះ
• វិធី ៥ យ៉ាងដើម្បីបង្វែរភាពខ្សោយរបស់អ្នកឲ្យទៅជាចំណុចខ្លាំង