ការណាត់ជួបរកសង្សារតាមប្រព័ន្ធអ៊ីនធរណេតជាលើកដំបូងគឺមិនដែលងាយស្រួលនោះទេ ជាពិសេសនៅពេលដែលអ្នកមិនធ្លាប់មានបទពីសោធន៍ជាមួយនឹងរឿងទាំងអស់នោះ ឬមិនដឹងពីវិធីល្អៗក្នុងការធ្វើឲ្យអ្នកទទួលបានជោគជ័យក្នុងការស្វែងរកដៃគូសង្សារ។ អ្នកប្រហែលជាឆ្ងល់ថា ខ្លួនឯងខិតខំថែរក្សារាង ថែរក្សាសម្រស់ តែងខ្លួនស្អាតៗដែរ នូវតែមិនអាចរកបានសង្សារនឹងគេទៀត។ ទាំងនោះមានហេតុជាច្រើនដែលអ្នកធ្វើការដោះស្រាយ និងកែប្រែដើម្បីឲ្យទទួលបានភាពជោគជ័យ។

វិធីទាំង ៣ ខាងក្រោមនេះអាចជួយអ្នកបាន៖

#១. ការជ្រើសរើសកម្មវិធីណាត់ជួប មានន័យថាប្រើតែកម្មវិធីណាត់ជួបអនឡាយតែមួយ ឬពីរបានហើយ កុំកម្មវិធីមានប៉ុន្មានសម្រុកប្រើទាំងអស់នោះ វាធ្វើឲ្យគេមើលមកថាអ្នកកំពុងតែចង់ខ្លាំងមែនទែន និងធ្វើឲ្យគេវាយតម្លៃមកលើអ្នកភា្លមៗ។

#២. ការជជែកស្វែងយល់គ្នាជាសារ ឬវីដេអូ វិធីនេះដើម្បីធានាថាតើគេចូលចិត្តអ្នកព្រោះតែរូបភាព ឬក៏គេពិតជាចង់ជួបអ្នកក្នុងជីវិតពិតមែនឬអត់នៅពេលដែលឃើញអ្នកនៅក្នុងវីដេអូនោះ។

#៣. ក្លាហានក្នុងការណាត់ជួប ធ្វើការណាត់ជួបទៅផឹកតែ ឬកាហ្វេ ដើម្បីជាការចាប់ផ្តើម។ វាជាការចាប់ផ្ដើមដើម្បីស្វែងយល់ពីបុគ្គលិកលក្ខណៈគ្នាទៅវិញទៅមក។

ការដាក់រូបប្រូហ្វាល់ឲ្យមើលទៅស្អាតទាក់ទាញ ការសន្ទនាគ្រាដំបូង ការផ្ញើសារជាអក្សរ ជាសម្លេង និងជាវីដេអូគឺជាជំហានដំបូងមួយ ហើយការណាត់ជួបទល់មុខគ្នាគឺជាវិធីល្អជាង ពីព្រោះអ្នកអាចស្វែងយល់ចិត្តគ្នាបានច្បាស់ជាងនៅពេលដែលអ្នកបានជួបគ្នា អង្គុយទល់មុខគ្នា ឃើញមុខគ្នា ហើយវាអាចឈានទៅដល់ការណាត់ជួបជាលក្ខណៈគូសង្សារនៅពេលក្រោយថែមទៀត ប្រសិនបើអ្នកទាំងពីរពិតជាចូលចិត្តគ្នាមែននោះ៕

ប្រភពរូបភាព៖ Pinterest

ចុចអានបន្ត៖

• បើអតីតធ្វើរឿងទាំង ៥ យ៉ាងនេះបានន័យថាគេស្រឡាញ់អ្នកខ្លាំងណាស់
• រឿងដែលអ្នកគួរចៀសវាងធ្វើនៅពេលមានដៃគូសង្សារ ឬធ្វើដើម្បីនរណាម្នាក់