ទំនាក់ទំនងស្នេហាទាំងអស់មិនថាគូស្នេហ៍ មិត្តភក្តិ ឬក្រុមគ្រួសារឡើយ វាតែងតែមានភាពសប្បាយរីករាយ ការកើតទុក្ខ ជម្លោះ និងការប៉ះទង្គិចគ្នាជារឿយៗ ហើយវាក៏ជារឿងធម្មតាទៅហើយសម្រាប់មនុស្សលោក។ ប៉ុន្តែហេតុអ្វីបានជាអ្នកខ្លះអាចថែរក្សាទំនាក់ទំនងស្នេហារបស់ពួកគេឲ្យមានសុភមង្គលដ៏អស្ចារ្យ និងបានគង់វង្សយូរអង្វែងជាជាងអ្នកខ្លះទៀតនោះ? វាអាស្រ័យទៅលើការខិតខំព្យាយាមរបស់អ្នក ការឆ្លងកាត់ឧបសគ្គ ការប្តេជ្ញាចិត្ត និងឆន្ទៈក្នុងការសម្របសម្រួលគ្នាជាមួយដៃគូរបស់អ្នក។

បើទោះបីជាអ្នកធ្លាប់មានទំនាក់ទំនងដែលបរាជ័យជាច្រើនលើកក្នុងពេលកន្លងមកក៏ដោយ ឬកំពុងតែជួបការលំបាកក្នុងការបង្កើតទំនាក់ទំនងស្នេហាឲ្យមានសុភមង្គលនៅក្នុងពេលបច្ចុប្បន្នរបស់អ្នកនោះ ដល់ពេលដែលអ្នកត្រូវតែអនុវត្តតាមគោលការណ៍សំខាន់ៗទាំងនេះហើយ៖

#១. ការប្រាស្រ័យទាក់ទងគ្នាដោយបើកចំហ និងផ្ដល់ភាពស្មោះត្រង់ជាមួយដៃគូរបស់អ្នកក្នុងការពិភាក្សារកដំណោះស្រាយគ្រប់រឿង។

#២. ការប្តេជ្ញាចិត្តចំណាយពេលវេលា រួមសុខរួមទុក្ខ និងការចែករំលែកគោលដៅដើរឈ្ពោះទៅអនាគតជាមួយគ្នាប្រកបដោយក្ដីស្រឡាញ់។

#៣. ស្វែងរកអ្វីមួយដែលអ្នកចូលចិត្តធ្វើជាមួយគ្នា ឬក៏សាកល្បងអ្វីៗដែលថ្មីជាមួយគ្នា ហើយអ្វីដែលសំខាន់នោះគឺផ្តោតលើការសប្បាយចិត្តរបស់ដៃគូរទាំងសងខាង។

វានឹងមិនមានសុភមង្គលពិតប្រាកដទេប្រសិនបើអ្នកមិនមានឆន្ទៈខ្ពស់ក្នុងការសម្របសម្រួលដោះស្រាយ ឬមិនអាចអភ័យទោសឲ្យគ្នាទៅវិញទៅមកនោះ។ ការអភ័យទោស និងការផ្តល់ឱកាសឲ្យគ្នាគឺជាវិធីក្នុងការដោះស្រាយជម្លោះ និងផ្តល់សុភមង្គលដល់ពិតប្រាកដនៅក្នុងទំនាក់ទំនងស្នេហារបស់អ្នក៕

ប្រភពរូបភាព៖ Pinterest

ចុចអានបន្ត៖

• រឿង ៨ យ៉ាងដែលដៃគូសង្សារឈានដល់ការក្បត់ចិត្តគ្នា
• រឿង ៨ យ៉ាងដែលសុភាពបុរសពិតធ្វើនៅក្នុងទំនាក់ទំនងស្នេហារបស់គាត់