មនុស្សគ្រប់ៗគ្នាតែងតែចង់ឲ្យទំនាក់ទំនងរបស់ពួកគេពោរពេញទៅដោយក្តីស្រឡាញ់ និងមានសុភមង្គល។ ប៉ុន្តែមិនមែនគ្រប់គ្នាមានឱកាសឬទទួលបានភាពវិជ្ជមានរហូតនោះទេ គឺមានល្អ និងមិនល្អដែលវាអាស្រ័យទៅតាមការប្រព្រឹត្តរបស់ដៃគូម្នាក់ៗនៅក្នុងទំនាក់ទំនងស្នេហា។

បារម្ភថាទំនាក់ទំនងរបស់អ្នកនឹងមិនស្ថិតនៅយូរអង្វែងដូចអ្នកដទៃមែនទេ? កុំភ័យខ្លាចឬបារម្ភខ្លាំងពេក គួររក្សាការគិតវិជ្ជមានរបស់អ្នកជានិច្ចពីព្រោះអ្នកអាចធ្វើការកែលម្អជួសជុលបានជាមួយដៃគូរបស់អ្នក។ ជាមួយនឹងកន្លឹះល្អៗជាច្រើនដើម្បីកសាងអនាគតដៃគូឲ្យស្រស់បំព្រង គ្រឿងផ្សំអាថ៌កំបាំងទាំង ១០ នេះពិតជាមានឥទ្ធិពល និងប្រសិទ្ធិភាពអាចជួយបាន៖

• ការផ្ដល់ភាពស្មោះត្រង់ឲ្យគ្នាគឺសំខាន់ជាងគេ
• ជជែកវែកញែកតាមបែបសន្តិវិធីនៅពេលមានជម្លោះ
• ការយកចិត្តទុកដាក់ទាំងផ្លូវកាយ និងផ្លូវចិត្ត
• ការគោរពឲ្យតម្លៃគ្នាទៅវិញទៅមក
• ចេះលេងសើចខ្លះ កំប្លែងលេងជាមួយដៃគូនឹងមនុស្សជុំវិញខ្លួន
• ភាពអត់ធ្មត់គ្រប់រឿងដែលកំពុងតែមាន និងរឿងដែលអាចនឹងកើតឡើង
• ការយល់ដឹងច្រើនអំពីការផ្តល់ និងការទទួលយកសេចក្តីស្រលាញ់
• ផ្តល់បរិយាការវិជ្ជមានឲ្យគ្នា គ្រប់ស្ថានភាព និងគ្រប់គ្រប់ពេលវេលា
• ការសម្របសម្រួលគឺជាគន្លឹះធ្វើឲ្យសេចក្តីស្រលាញ់ក្នុងទំនាក់ទំនងស្នេហាបានប្រសើរឡើង
• មិនថាពេលអន់ចិត្ត មានរឿង ឬទាស់គ្នាឡើយ ការនិយាយគ្នាគឺជាឱសថព្យាបាលដ៏ល្អក្នុងទំនាក់ទំនងស្នេហា

គ្មាននរណាម្នាក់អាចបដិសេធបានទេថា ការខិតខំថែរក្សាទំនាក់ទំនងស្នេហាប្រកបដោយក្តីស្រឡាញ់ និងមានសុភមង្គលគឺជារឿងពិបាក។ មុនពេលដែលអ្នកសម្រេចចិត្តដើរចេញពីទំនាក់ទំនងស្នេហាដែលគ្មានសុភមង្គលនោះ សូមព្យាយាមអនុវត្តតាមវិធីទាំងដប់ខាងលើឲ្យអស់ពីសម្មតភាពសិន ដើម្បីធ្វើការកែលម្អ ជួសជុល និងកសាងជីវិតស្នេហារបស់អ្នកឲ្យមានសុភមង្គលឡើងវិញ៕

ប្រភពរូបភាព៖ Pinterest

ចុចអានបន្ត៖

• វីធីក្នុងការបំភ្លេចរឿងកើតទុក្ខអំពីវិបត្តិស្នេហា
• រឿងវិបត្តិស្នេហ៍ដែលអ្នកត្រូវដឹងទុកជាមុន !