មិនថាអ្នកគឺជាសង្សារនឹងគ្នាក្នុងរយៈពេលយូរ ឬថ្មីថ្មោងទើបស្រលាញ់ក៏ដោយបើមានការបែកបាក់ស្នេហាគឺមានការខូចចិត្ត និងទុក្ខសោកដែលធ្វើឲ្យអ្នកគ្រាំចិត្តស្ទើរស្លាប់ស្ទើររស់។ គំនិតដែលថាថ្ងៃណាមួយវានឹងបានល្អប្រសើរឡើងវិញ វាពិតអាច ប៉ុន្តែទាមទារឲ្យមានការខិតខំប្រឹងប្រែងខ្លាំង និងចំណាយពេលយូរក្នុងការព្យាបាល។

ការបំភ្លេចប្រហែលជាមិនងាយស្រួលនោះទេ សម្រាប់អ្នកខ្លះវាងាយស្រួលតែអ្នកផ្សេងទៀតវាកាន់តែពិបាកខ្លាំង ជាពិសេសសម័យទំនើបនេះ ជាមួយនឹងបណ្តាញសង្គមជាច្រើនប្រភេទ គ្រាន់តែបើកមកឃើញ វាអាចធ្វើឲ្យអ្នកសប្បាយចិត្តឬឈឺចាប់កាន់តែខ្លាំងក្នុងពេលតែមួយ។ ដូច្នេះគួរធ្វើរឿងទាំង ៥ យ៉ាងខាងក្រោមនេះដើម្បីបំភ្លេចរឿងវិបត្តិស្នេហាបាន៖

• យំវាចេញឲ្យអស់ ពីព្រោះអ្នកកំពុងតែឈឺចាប់វាគ្មានអ្វីខុសនោះទេដែលត្រូវយំ
• ការលុបរូបភាពនឹងវីដេអូចេញពីទូរសព្ទរបស់អ្នក ឬអាចលាក់វានៅក្នុងទូរសព្ទក៏បាន
• គួរតែផ្អាកប្រើប្រព័ន្ធបណ្ដាញសង្គមមួយរយៈ ចាំពេលដែលអ្នកបានជាសះស្បើយចាំប្រើវិញ
• ចំណាយពេលថែទាំសុខភាពរាងកាយ និងសុខភាពផ្លូវចិត្តខ្លួនឯងឲ្យបានច្រើន
• ផ្ដាច់ទំនាក់ទំនងជាមួយគេ ហើយភ្ជាប់ទំនាក់ទំនងឲ្យបានល្អជាមួយមិត្តភក្ដិនឹងក្រុមគ្រួសារ

ត្រូវចាំថាអ្នកមិនអាចរស់នៅក្នុងអតីតកាលបានទេ វាជាបទពិសោធន៍ និងអាចធ្វើជាមេរៀនសម្រាប់អ្នកដើម្បីឲ្យអ្នកត្រៀមខ្លួនរួចជាស្រេចនៅថ្ងៃអនាគត។ អ្នកគួរតែធ្វើការផ្តោតយកចិត្តទុកដាក់លើខ្លួនឯង ស្វែងយល់អំពីខ្លួនឯង ហើយទុកឲ្យពេលវេលាជាអ្នកព្យាបាលរបួសនៃការឈឺចាប់ឲ្យជាសះស្បើយ។ ថ្ងៃណាមួយអ្នកនឹងមិនខូចចិត្ត មិនយំ មិនបន្តផ្តល់អំណាចដល់អ្នកដទៃដើម្បីធ្វើបាបអ្នកទៀតឡើយ តែអ្នកនឹងក្លាយជាមនុស្សម្នាក់ក្លាហាន និងរឹងមាំ៕

ប្រភពរូបភាព៖ Pinterest

ចុចអានបន្ត៖

• រឿងវិបត្តិស្នេហ៍ដែលអ្នកត្រូវដឹងទុកជាមុន !
• រឿង ៤ យ៉ាងដែលបញ្ជាក់ថាសង្សារអ្នកស្រលាញ់អ្នកខ្លាំងណាស់