ពាក្យចាស់តែងតែពោលថាសត្វដំរីវាមិនដែលបំភ្លេចរឿងរាវ សាច់ញាតិរបស់វាឡើយ ហើយវាដូចគ្នាទៅនឹងសត្វឆ្កែដែរ។ វាបានបញ្ជាក់យ៉ាងច្បាស់បន្ទាប់ពីបងប្អូនសត្វឆ្កែមួយគូបានបែកបាក់គ្នាតាំងពីតូចរហូតដល់ធំ ហើយបានជួបគ្នាដោយចៃដន្យនៅក្នុងឧទ្យានមួយនៅពេលដែលពួកគេដឹងថាជាបងប្អូនក៏បានឱបគ្នាភ្លាមៗ។

Monty ហើយនឹង Rosie បានកើតកាលពីខែមិថុនាឆ្នាំមុន ហើយត្រូវបានយកទៅចិញ្ចឹមដោយម្ចាស់ពីនាក់ផ្សេងគ្នាតាំងពីពេលនោះមករហូតដល់ពួកគេធំពេញវ័យ។ ជាទូទៅសត្វឆ្កែចាប់ផ្ដើមធ្វើការស្គាល់គ្នាដោយការថើប ឬហិតគ្នាទៅវិញទៅមក ប៉ុន្តែចំពោះ Monty ហើយនឹង Rosie វិញគ្រាន់តែបានឃើញគ្នាភ្លាមក៏ចាប់ផ្ដើមឱបគ្នាតែម្ដង។

រូបថតនេះត្រូវបានបង្ហោះដោយ Libby Pincher បន្ទាប់ពីឪពុករបស់នាងបានផ្ញើរូបនោះទៅឲ្យនាងខណៈពេលដែលគាត់នៅឯឧទ្យានជាមួយឆ្កែរបស់គាត់។ វាទទួលបានការចែករំលែកយ៉ាងខ្លាំងនៅក្នុងបណ្ដាញសង្គម Twitter ដោយនាងបានសរសេរថា “មើលទៅអ្វីដែលឪពុកខ្ញុំបានផ្ញើមកខ្ញុំនៅព្រឹកនេះខ្ញុំសឹងតែមិនជឿឡើយ ពិតជាគួរឲ្យស្រលាញ់ណាស់”។

វាពិតជាមិនគួរឲ្យជឿទេនៅពេលដែល Monty ហើយនឹង Rosie នៅតែចងចាំគ្នាយ៉ាងច្បាស់បន្ទាប់ពីបានបែកគ្នាតាំងពីតូចនោះ ពិតជាគួរឲ្យរំភើបណាស់៕

ប្រភពរូបភាព៖ Unilad

ចុចអានបន្ត៖

• ការរំលោភបំពានផ្លូវភេទនៅក្នុងថ្នាក់រៀនបានចោទជាផលវិបាកក្នុងការដោះស្រាយរបស់គ្រូៗ
• ចង់ចិញ្ចឹមសត្វ? សត្វឆ្កែគឺជាជម្រើសដ៏ល្អបំផុត