មនុស្សភាគច្រើនមានទំនោរមើលរំលងផ្នែកខ្លះចំពោះការថែទាំស្បែកនៅផ្ទៃមុខរបស់ពួកគេ ពីព្រោះសុខភាពស្បែកនៅលើផ្ទៃមុខគឺជាអ្វីដែលមនុស្សម្នាក់ៗយកចិត្តទុកដាក់យ៉ាងខ្លាំងបំផុត។ ទម្លាប់ថែរក្សាស្បែកនៅលើច្រមុះគឺជាផ្នែកមួយដ៏សំខាន់ដែលមនុស្សម្នាក់ៗគួរយកចិត្តទុកដាក់ផងដែរ។ ប្រសិនបើអ្នកមានស្បែកមុខដែលមានជាតិខ្លាញ់ច្រើន ការឧស្សាហបែកញើសច្រើន ស្បែកមុខរបស់អ្នកគឺងាយនឹងកើតមុនណាស់ ជាពិសេសនោះគឺមុនក្បាលខ្មៅ និងមុនអង្កាមនៅលើច្រមុះដែលវានឹងធ្វើឲ្យអ្នកបាត់បង់សម្រស់មួយកម្រិតទៀត។

ប្រសិនបើអ្នកកត់សំគាល់ឃើញថាស្បែកនៅលើច្រមុះរបស់អ្នកមានការកើតមុនអង្កាមច្រើននោះ វាជាពេលដែលអ្នកចាប់ផ្ដើមយកចិត្តទុកដាក់ក្នុងការថែទាំសុខភាពស្បែកនៅលើច្រមុះរបស់អ្នកហើយ។ ទាំងនេះគឺជាគន្លឹះសំខាន់ៗ ៤ យ៉ាងដែលអ្នកត្រូវតែធ្វើតាមដើម្បីធ្វើឲ្យស្បែកនៅលើច្រមុះរបស់អ្នកមិនមានមុន និងទទួលបានសុខភាពល្អ ភ្លឺម៉ត់រលោង៖

• ការដុសខាត់ស្បែកដែលងាប់ចេញចោលឲ្យអស់ និងលាងមុខយ៉ាងហោចណាស់ពីរដងក្នុងមួយថ្ងៃ
• ការឆ្ពុងមុខដោយចំហាយទឹកក្ដៅដើម្បីបើករន្ធរោម និងងាយស្រួលក្នុងការសម្អាតមុនចេញចោល
• ត្រូវតែប្រើប្រភេទសេរ៉ូមវីតាមីនស៊ីក្នុងការបំប៉នស្បែកមុខឲ្យមានសុខភាពល្អ
• និងកុំភ្លេចឲ្យសោះក្នុងការលាងសម្អាតគ្រឿងតុបតែងមុខរៀងរាលមុនពេលចូលគេង

ការប្រើប្រេងលាបមុខ ឬប្រភេទសេរ៉ូបដែលមានផ្ទុកវីតាមីនស៊ី និងបញ្ចូលទៅក្នុងទម្លាប់ថែរក្សាស្បែករបស់អ្នកជាប្រចាំថ្ងៃនោះ វាអាចជួយក្នុងការពង្រឹងសុខភាពស្បែករបស់អ្នកឲ្យបានល្អប្រសើរ។ អ្នកគួរលាបសេរ៉ូមវីតាមីនស៊ីរៀងរាល់យប់មុនពេលចូលគេង វានឹងជួយធ្វើឲ្យស្បែកម៉ត់រលោងពេលដែលអ្នកភ្ញាក់ឡើងនៅពេលព្រឹក៕

ប្រភពរូបភាព៖ Pinterest

ចុចអានបន្ត៖

• ៣ វិធីក្នុងការថែរក្សាស្បែកមុខឲ្យនៅតែភ្លឺម៉ត់រលោងជានិច្ច
• ហេតុផល ៤ យ៉ាងដែលអ្នកគួរតែចាប់ផ្ដើមប្រើក្រែមលាបក្រោមរង្វង់ភ្នែកជាប្រចាំ