ការផោមគឺជាដំណើរការជីវសាស្ត្រដែលជួយបញ្ចេញឧស្ម័នពីការរំលាយអាហារ ដែលពេលខ្លះត្រូវបានគេហៅថាខ្យល់ដែលឆ្លងកាត់នៅក្នុងសរីរាង្គកាយរបស់មនុស្ស។ បញ្ហាផោមគឺជារឿងមួយដែលមនុស្សម្នាក់ៗធ្វើការចៀសវាងខ្លាំងណាស់ មិនថាវាកើតឡើងដោយភាពស្ងាត់ស្ងៀម ឬលឺខ្លាំងនោះទេ ហើយជាពិសេសនោះប្រសិនបើវាមានខ្លិនមិនល្អ។ ការផោមមានក្លិនមិនល្អមិនមែនជារឿងចម្លែកទេ វាត្រូវបានគេចាត់ទុកថាជារឿងធម្មតាទៅហើយ វាកើតឡើងដោយសាររបបអាហារប្រចាំថ្ងៃ ឬថ្នាំមួយចំនួនដែលអាចបណ្តាលឲ្យមានក្លិនមិនល្អ តែក្នុងករណីខ្លះវាជាសញ្ញានៃបញ្ហាសុខភាពរបស់អ្នក។

មូលហេតុចម្បងៗនោះមានដូចជា៖

១. ការញ៉ាំអាហារដែលមានជាតិសរសៃខ្ពស់ ដូចជាផ្កាខាត់ណាបៃតង ស្ពៃតឿ ស្ពៃក្ដោប និងដំឡូងជាដើម

២. បណ្ដាលមកពីប្រភេទថ្នាំដែលអ្នកទទួលទានក្នុងការព្យាបាលបញ្ហាសុខភាពឬសម្រស់

៣. ការទល់លាមក ការបន្ទោបង់មិនទៀងទាត់ក៏ជាមូលហេតុដែលបណ្ដាលឲ្យមានបញ្ហានេះដែរ

៤. ប្រព័ន្ធរំលាយអាហាររបស់អ្នកដំណើរការមិនបានល្អ

៥. និងអាចបណ្ដាលមកពីបញ្ហាជំងឺមហារីកពោះវៀនធំ

ការការពារ និងកម្ចាត់ពីបញ្ហានៃការផោមជាញឹកញាប់ដែលមានក្លិនមិនល្អ៖

• ការញ៉ាំអាហារក្នុងល្បឿនយឺតៗដើម្បីឲ្យការរំលាយអាហារមានសុខភាពល្អ និងកាត់បន្ថយការបង្កើតឧស្ម័ន
• ផឹកទឹកឲ្យបានច្រើនដើម្បីជួយផ្លាស់ទីកាកសំណល់ចេញពីរាងកាយឲ្យកាន់តែមានប្រសិទ្ធភាព
• បន្ថែមការញ៉ាំប្រភេទអាហារដូចជា ទឹកដោះគោជូ-យ៉ាអួ នៅក្នុងរបបអាហាររបស់អ្នកដើម្បីជួយការរំលាយអាហារឲ្យមានសុខភាពល្អ
• ចៀសវាងការទទួលទានភេសជ្ជៈដែលមានជាតិកាបូនដែលអាចផលិតហ្គាស៍ឬឧស្ម័នកាន់តែច្រើនដូចជាស្រាបៀរឬសូដា
• ព្យាយាមចៀសវាងការញ៉ាំប្រភេទអាហារបង្អាប់ដែលរួមចំណែកក្នុងការបង្កើតឧស្ម័នមិនល្អនៅក្នុងខ្លួន

ក្នុងករណីដែលវាកើតឡើងជាញឹកញាប់ហួសកំរិតនោះ និងមានរោគសញ្ញាមួយចំនួនដូចជា៖ រមួលក្រពើ ឬឈឺពោះហើមពោះធ្ងន់ធ្ងរ ក្អួតចង្អោរ រាគមានឈាម ស្រកទម្ងន់ គ្រុនក្ដៅ ឈឺសាច់ដុំ ឬសុខភាពចុះខ្សោយ អ្នកគួរតែទៅជួបគ្រូពេទ្យ។ ធ្វើការណាត់ជួបជាមួយគ្រូពេទ្យប្រសិនបើអ្នកកត់សំគាល់ឃើញថាវាមិនមានភាពខុសប្លែកគ្នាបន្ទាប់ពីការផ្លាស់ប្តូររបៀបរស់នៅ និងរបបអាហារជាច្រើនសប្តាហ៍ហើយនោះ ដើម្បីធ្វើការពិគ្រោះ ធ្វើតេស្តរករោគសញ្ញារបស់អ្នកថាតើវាបណ្តាលមកពីស្ថានភាពសុខភាពអ្វី៕

ប្រភពរូបភាព៖ Pinterest

ចុចអានបន្ត៖

• វិធីទាំង ៣ ក្នុងការជួយធ្វើឲ្យអ្នកគេងលក់ឆាប់
• វិធីសម្រកទម្ងន់បានលឿនខណៈកំពុងជាប់នៅតែក្នុងផ្ទះ