មនុស្សជាច្រើនតែងតែនិយាយថាការមានស្នេហាគឺជាការឈឺចាប់បំផុត ប៉ុន្តែវាមិនមែនទាំងអស់នោះទេ វាអាស្រ័យទៅតាមដៃគូម្នាក់ៗ។ ប៉ុន្ដែអ្វីដែលធ្វើឲ្យអ្នកឈឺចាប់បំផុតនោះគឺភាពឯកកោ និងការរស់នៅជាមួយមនុស្សដែលធ្វើឲ្យអ្នកពិបាកចិត្តគ្រប់ពេលវេលា។ ប្រសិនបើទំនាក់ទំនងស្នេហារបស់អ្នកមិនមានដំណើរការល្អទេ តើហេតុអ្វីអ្នកត្រូវនៅទ្រាំនោះ! អ្នកអាចចាប់ផ្តើមសារជាថ្មី ជាមួយមនុស្សថ្មីដែលគេគោរពឲ្យតម្លៃអ្នក ស្រឡាញ់អ្នក និងចង់បានអ្នកជាគូអនាគតជាមួយគេ។ ប៉ុន្តែតើអ្នកអាចដឹងទេថាតើមនុស្សដែលអ្នកគម្រោងថានឹងយកជាដៃគូជីវិតសម្រាប់ថ្ងៃអនាគតនោះ គឺជាគាត់មែនឬអត់?

ការស្វែងរកដៃគូដែលខ្វល់យកចិត្តទុកដាក់ផ្គត់ផ្គង់លើកទឹកចិត្តរាល់ពេលដែលអ្នកត្រូវការមិនថានៅក្នុងកាលៈទេសៈណាក៏ដោយ ទាំងផ្លូវកាយនឹងផ្លូវចិត្តក៏មិនមែនងាយស្រួលដែរ ពីព្រោះមនុស្សម្នាក់ៗមិនល្អឥតខ្ចោះនោះទេ។ តែប្រសិនបើគេនោះធ្វើឬមានចំណុចទាំង ៥ ខាងក្រោមនេះបញ្ជាក់ថាគេសមនឹងជាដៃគូអនាគតរបស់អ្នក៖

• គាត់តែងតែផ្តល់ភាពស្មោះត្រង់ជានិច្ចរាល់ការនិយាយ និងការធ្វើសកម្មភាពនានាទៅកាន់អ្នក
• គាត់យកចិត្តទុកដាក់ខ្លាំងរាល់ពាក្យពេចជ៍ដែលអ្នកបាននិយាយជាមួយឬប្រាប់
• គាត់គឺជាកន្លែងដែលផ្តល់ភាពកក់ក្តៅ និងសុវត្ថិភាពដល់អ្នក
• ការលើកទឹកចិត្តអ្នកគ្រប់ពេលវេលា គ្រប់កាលៈទេសៈដែលអ្នកត្រូវការ
• គាត់តែងតែចំណាយពេលសម្រាប់អ្នកទោះបីជាគាត់រវល់យ៉ាងណាក៏ដោយ

វាពិតជាពិបាកណាស់ក្នុងការស្វែងរកដៃគូដ៏ល្អមួយ តែប្រសិនបើអ្នករកឃើញនរណាម្នាក់ដែលកត់សម្គាល់ថាគាត់ធ្វើរឿងទាំង ៥ ខាងលើនេះជាប្រចាំ គាត់ជាមនុស្សម្នាក់ដែលអ្នកអាចពឹងពាក់បានគ្រប់កាលៈទេសៈ និងធ្វើអ្វីគ្រប់យ៉ាងដើម្បីធ្វើឲ្យជីវិតរបស់អ្នកនឹងគាត់បានប្រសើរឡើងនោះ អ្នកកំពុងតែទទួលបានដៃគូដ៏ល្អហើយ ត្រូវចេះថែរក្សាឲ្យបានគង់វង្ស៕

ប្រភពរូបភាព៖ Freepik

ចុចអានបន្ត៖

• វិធីក្នុងការធ្វើឲ្យទំនាក់ទំនងដៃគូសង្សារនៅតែសប្បាយចិត្តពេលមិនអាចជួបគ្នាបាន
• ហេតុផលដែលអ្នកគួរបញ្ឈប់ការរង់ចាំស្នេហ៍ និងផ្តោតការសប្បាយចិត្តចំពោះខ្លួនឯង