របបអារហារប្រចាំថ្ងៃរបស់កុមារមានសារសំខាន់ណាស់សម្រាប់ការលូតលាល់របស់ពួកគាត់។ កុមារមិនសូវជាញ៉ាំច្រើននោះទេ ប៉ុន្តែពួកគាត់ឃ្លានជាញឹកញាប់នឹងតែងតែចង់ញ៉ាំជានិច្ច ជាពិសេសគឺប្រភេទអាហារសម្រន់តែម្ដង។ វាក៏អាចប៉ះពាល់ដល់សុខភាពរបស់គាត់ដែរ ប្រសិនបើអ្នកបណ្ដោយឲ្យគាត់ញ៉ាំប្រភេទអាហារដែលគ្មានសារធាតុចិញ្ចឹមសម្រាប់ការសូតលាស់នោះ។

ការលូតលាស់របស់កុមារត្រូវការសារធាតុចិញ្ចឹម និងវីតាមីនត្រឹមត្រូវជាច្រើនណាស់ ដូច្នេះវាចាំបាច់ក្នុងការជ្រើសរើសតែអាហារសម្រន់ដែលមានសុខភាពល្អបំផុតសម្រាប់ពួកគាត់។ វាជាការល្អប្រសើរជាងបើអ្នកឲ្យពួកគាត់ញ៉ាំអាហារសម្រន់ដែលបានបង្កើតដោយខ្លួនឯង គឺជាអាហារសម្រន់សុខភាពនោះ។

ព្យាយាមកុំឲ្យពួកគាត់ញ៉ាំអាហារកញ្ចប់ស្រាប់ៗវាមិនល្អឡើយ ព្យាយាមមកឲ្យពួកគាត់ញ៉ាំប្រភេទអាហារសម្រន់សុខភាពទាំង ៨ នេះវិញសម្រាប់ការលូតលាស់ និងសុខភាពរបស់ពួកគាត់៖

• ពោតលីងដែលធ្វើដោយខ្លួនឯង
• ប្រភេទទឹកផ្លែឈើក្រឡុក
• ឈីសជាមួយនុំបាំងអាំង
• ពងមាន់ស្ងោច្អិនល្អ
• នុំដុតដែលធ្វើចេញពីម្សៅស្រូវសាលី
• ទឹកដោះគោជូរ-យាអួ
• ផ្លែឈើស្រស់
• ប៊ឺរសណ្ដែកដីជាមួយនុំបាំង

ព្យាយាមកុំបណ្ដោយតាមចិត្តពួកគាត់អី គិតទៅលើសុខភាពរបស់គាត់ជាសំខាន់ ដោយសារអាហារសម្រន់គឺជាផ្នែកដ៏ធំមួយនៃរបបអាហាររបស់កូនៗរបស់អ្នក វាចាំបាច់ណាស់ក្នុងការជ្រើសរើសអាហារសម្រន់ដែលមានវីតាមីននឹងសារធាតុចិញ្ចឹមគ្រប់គ្រាន់សម្រាប់ពួកគាត់ក្នុងការរីកលូតលាស់។ វាក៏ជារបៀបដែលបង្រៀនឲ្យកូនៗយល់ដឹងអំពីអាហារសុខភាព និងមានទម្លាប់ល្អតាំងពីក្មេងទៅផងដែរ៕

ប្រភពរូបភាព៖ Freepik

ចុចអានបន្ត៖

• ៧ ហេតុផលដែលអ្នកគួរមាននឹងរក្សាភាពវិជ្ជមានក្នុងខ្លួនជានិច្ច
• ៤ វិធីក្នុងការប្តូរពីការគិតអវិជ្ជមានទៅជាវិជ្ជមាន