មិត្ដភក្ដិគឺជាមនុស្សសំខាន់ក្នុងដំណើរជីវិតរបស់អ្នក ហើយប្រៀបបានដូចជាក្រុមគ្រួសារខាងក្រៅរបស់អ្នកដែរ ការការពារនៅពេលមានបញ្ហាអ្វីមួយចូលមករក។ អ្នកខ្លះមានទំនាក់ទំនងស្អិតរមួតជាមួយមិត្តភក្ដិជាជាងជាមួយក្រុមគ្រួសារទៅទៀត មានរឿងអ្វីក៏ដោយតែងតែមករកមិត្ដពិភាក្សាជួយដោះស្រាយទៅតាមស្ថានភាពនោះ។ តែមានអ្នកខ្លះទៀតនោះក៏មិនសូវមានទំនាក់ទំនងល្អជាមួយមនុស្សផ្សេងក្រៅពីក្រុមគ្រួសាររបស់គេឡើយ។ ទាំងនេះវាបណ្តាលមកពីមូលហេតុជាច្រើន ការមិនចុះសម្រុងគ្នា ការទាស់ទែង ក្បត់ចិត្ត និងការមិនចេះអភ័យទោសឲ្យគ្នារហូតដល់បាត់បង់ភាពជឿទុកចិត្តទាំងស្រុង ហើយបានបំបែកមិត្តភាពរបស់ឲ្យដាច់ដោយលែក។

ទាំងនេះគឺជាមូលហេតុដែលការជឿទុកចិត្តគ្នាមានសារសំខាន់បំផុតចំពោះមិត្តភាពមិត្តភក្ដិ៖

• ភាពចម្រុងចម្រើននៃមិត្តភាពដែលមានផាសុខភាពល្អនឹងគង់វង្សរហូតដល់ចាស់ដែលផ្អែកទៅលើភាពស្មោះត្រង់របស់អ្នកទាំងពីរ
• ភាពស្មោះត្រង់គឺជាអាថ៌កំបាំងនៃភាពជោគជ័យនៅក្នុងទំនាក់ទំនងមិត្តភាព
• ការជឿទុកចិត្តនឹងភាពស្មោះត្រង់គឺជាធាតុរំដោះគ្រោះនៅក្នុងមិត្តភាពពេលមានបញ្ហា
• ទទួលបានការទុកចិត្តពីមិត្តភក្ដិនៅពេលគ្មាននរណាម្នាក់អាចធ្វើវាទៅបាន
• មិត្តភក្ដិនៅតែរក្សាភាពស្មោះត្រង់ចំពោះអ្នកជានិច្ច
• ជាមនុស្សតែមួយគត់ដែលអ្នកអាចធ្វើការចែករំលែកអាថ៌កំបាំងនានា ទុក្ខសោក រឿងសប្បាយៗជាមួយ
• ផ្តល់ទំនុកចិត្តលើខ្លួនឯង និងចំពោះមិត្តភក្ដិវិញ

ប្រសិនបើអ្នកមិនមានភាពស្មោះត្រង់ទេ គ្មានភាពទុកចិត្តគ្នាគ្រប់ពេលនោះ អ្វីដែលអ្នកទទួលបានគឺការធ្វើបាបចិត្តគ្នាដោយការនិយាយកុហក និងលាក់បាំងរឿងគ្រប់យ៉ាងពីគ្នា។ តែបើអ្នកមានពួកវាវិញ អ្នកនឹងទទួលបានអត្ថប្រយោជន៍ជាច្រើនដូចបានរាយរាប់ខាងលើ។ ហេតុដូចច្នេះហើយបានជាភាពស្មោះត្រង់នឹងការជឿទុកចិត្តគឺជាផ្នែកមួយដ៏សំខាន់ និងចាំបាច់បំផុតនៅក្នុងទំនាក់ទំនងមិត្តភក្ដិ៕

ប្រភពរូបភាព៖ Freepik

ចុចអានបន្ត៖

• វិធីធ្វើឲ្យគ្រួសារកូនចៅនៅតែសប្បាយចិត្តខណៈពេលជាប់នៅតែក្នុងផ្ទះមិនអាចទៅណាបាន
• ទម្លាប់ ៨ យ៉ាងដែលធ្វើឲ្យទំនាក់ទំនងស្នេហារបស់អ្នករឹងមាំ