កាហេ្វ និងតែគឺជាប្រភេទភេសជ្ជៈដែលបានប្រើប្រាស់យ៉ាងច្រើនបំផុតជារៀងរាល់ថ្ងៃនៅទូទាំងពិភពលោក។ ទោះជាយ៉ាងណាក៏ដោយយើងអាចធ្វើការកត់សម្គាល់ឃើញថានៅពេលព្រឹកមនុស្សតែងតែជ្រើសរើសយកកាហ្វេ ជាជាងការផឹកតែ។ ភាគច្រើននោះគឺចាស់ៗទេដែលពួកគាត់និយមផឹកតែជាជាងកាហ្វេ។ តែវាក៏អាស្រ័យទៅតាមមនុស្សដែរ អ្នកខ្លះមិនអាចផឹកកាហ្វេបាននឹងជ្រើសរើសយកតែលើកាហ្វេ។

មូលហេតុដែលកាហ្វេអាចជាជម្រើសល្អប្រសើរជាងតែនៅពេលព្រឹកនោះដោយសារអត្ថប្រយោជន៍ជាច្រើនរបស់វាដូចខាងក្រោម៖

១. កាហ្វេជួយអ្នកក្នុងការធ្វើលំហាត់ប្រាណបានល្អ ពីព្រោះកាហ្វេមានបរិមាណជាតិកាហ្វេអ៊ីនច្រើនជាងតែ វាអាចជួយបង្កើនសមត្ថភាពរាងកាយ និងកាត់បន្ថយភាពអស់កម្លាំងពីការហាត់ប្រាណបានយូរ។

២. កាហ្វេនឹងជួយអ្នកក្នុងការផ្តោតអារម្មណ៍ ពីព្រោះកាហ្វេមានបរិមាណជាតិកាហ្វេអ៊ីនច្រើនជាងតែ និងជួយអ្នកមិនឲ្យមានភាពងងុយគេងខណៈកំពុងធ្វើការឬសិក្សា។

៣. កាហ្វេអាចជួយអ្នកក្នុងការសម្រកទម្ងន់បាន ពីព្រោះការទទួលទានកាហ្វេនឹងរក្សា ឬធ្វើឲ្យកម្រិតជាតិខ្លាញ់នៅក្នុងខ្លួនរបស់អ្នកទាបជានិច្ច។

វាក៏នៅមានអត្ថប្រយោជន៍ជាច្រើនមុខទៀតផងដែលដូចជា អាចកាត់បន្ថយហានិភ័យនៃការវិវត្តទៅជាជំងឺទឹកនោមផ្អែមជាដើម។ តែប្រសិនបើអ្នកជាអ្នកចូលចិត្ត តែ នោះ អ្នកក៏មិនចាំបាច់ធ្វើការផ្លាស់ប្តូរទម្លាប់ពីការផឹកតែទៅជាកាហ្វេនោះទេ ពីព្រោះតែក៏មានអត្ថប្រយោជន៍ដ៏អស្ចារ្យជាច្រើនផងដែរ៕

ប្រភពរូបភាព៖ Freepik

ចុចអានបន្ត៖

• ទម្លាប់ ៤ យ៉ាងធ្វើឲ្យអ្នករាងស្អាតនឹងសុខភាពល្អ
• ទម្លាប់ ៤ យ៉ាងដែលធ្វើឲ្យអ្នកនៅតែក្មេងជាងវ័យ