មុខហ្សីនគ្មាន Make Up របស់សង្សារ Luhan ល្បីផ្ទុះព្រោះស្អាតមិនចាញ់ពេលតែង

2021-03-22 03:49:00
ចំនួនមតិ 0 | ចំនួនចែករំលែក 0

ទោះបីជាគេដឹងថា សម្រស់របស់ Guan Xiao Tong គឺអំណោយផលពីធម្មជាតិហើយក៏ពិតមែន តែនៅពេលគ្មានជំនួយពីគ្រឿងសំអាងហើយ នៅតែមានលេចធ្លោបែបនេះទៀតនោះ គឺពិតជាមិនធម្មតាឡើយ។

កាលពីថ្ងៃទី ២០ ខែមីនាកន្លងទៅនេះ បណ្ដាញព័ត៌មាន Sohu បានឲ្យដឹងថា តារាសម្ដែងស្រីកំពុងឡើងកូដ Guan Xiao Tong បានក្លាយជាភ្ញៀវកិត្តិយសថ្មីបំផុតនៅក្នុងកម្មវិធីកម្សាន្ត Trump Card។ គ្រាន់តែកម្មវិធីចាក់ចប់ភ្លាម ឈ្មោះរបស់សង្សារ តារាចម្រៀង និងសម្ដែងប្រុស Luhan ត្រូវបានគេស្វែងរកច្រើនជាងគេលើបណ្ដាញសង្គម Weibo ភ្លែត។

មូលហេតុដែលធ្វើឲ្យស្រីស្អាត ២៣ឆ្នាំទទួលបានការចាប់អារម្មណ៍ខ្លាំងយ៉ាងនេះគឺមកពី នៅក្នុងកម្មវិធីនេះ នាងទុកមុខធម្មជាតិទាំងស្រុង គ្មានការផាត់មុខសូម្បីតែបន្តិច តែសម្រស់នៅតែស៊ីដាច់គេ។ មនុស្សជាច្រើនបានលាន់មាត់ថា ស្បែករបស់តួរឿង Shadow ទោះមិនមានក្រែមម្សៅនៅតែសឡើងស៊ីជម្ពូ កម្ររកបាន ទាំងមុននោះ នាងត្រូវថតច្រើនម៉ោង និងផាត់មុខក្រាស់ៗក៏ដោយ។

ក្រោយពេលកម្រងរូបនេះត្រូវបានចែករំលែក ឈ្មោះរបស់សង្សារនាងក៏ត្រូវបានគេស្វែងរកដូចគ្នា ដោយគេសរសើរថា លោកពិតជាសំណាងណាស់ដែលមានសង្សារស្អាតពីធម្មជាតិខ្លាំងបែបនេះ៕