ការគេងឲ្យបានគ្រប់គ្រាន់គឺមានសារៈសំខាន់ណាស់សម្រាប់សរីរាង្គកាយរបស់មនុស្សម្នាក់ៗ។ មិនត្រឹមតែប៉ុណ្ណោះវាមានអត្ថប្រយោជន៍ជាច្រើនទៀតចំពោះសុខភាពបេះដូង ផ្តល់នូវអាម្មណ៍ល្អស្រស់ស្រាយជាដើម។ តែបើការគេងរបស់អ្នកមិនគ្រប់គ្រាន់នោះទេវានឹងប៉ះពាល់សុខភាពទាំងរាងកាយ និងផ្លូវចិត្ត។ អារម្មណ៍អស់កម្លាំង និងងងុយគេងគឺជារឿងធម្មតាទៅហើយទៅលើមនុស្សគ្រប់រូបក្នុងជីវិតរស់នៅប្រចាំថ្ងៃ។ អ្នកខ្លះប្រហែលជាអស់កម្លាំងម្ដងម្កាល តែមានអ្នកខ្លះទៀតនោះគឺអស់កម្លាំងរហូតតែម្តង នេះដោយសារតែការគេងមិនបានគ្រប់គ្រាន់។

ផលប៉ះពាល់ដែលបណ្តាលមកពីការគេងមិនបានគ្រប់គ្រាន់នោះមានដូចជា៖

• ធ្វើឲ្យសុខភាពស្បែករបស់អ្នកចាស់មុនអាយុ
• ប៉ះពាល់ដល់ប្រព័ន្ធការគិត (IQ) របស់អ្នក ឬតែងតែប្រឆាំងនឹងគំនិតអ្នកដទៃរហូត
• ធ្វើឲ្យអារម្មណ៍របស់អ្នកមិនល្អ ឆាប់ខឹង ឆាប់មួរមៅ ទៅលើរឿងបន្តិចបន្តួច
• សុខភាពផ្លូវចិត្តការគិតច្រើន និងសុខភាពខួរក្បាល ស្ត្រេស ដែលអាចឈានទៅរកជំងឺវិកលចរិក
• ស្ងាបរហូត និងអស់កម្លាំងគ្រប់ពេលវេលា

វាក៏មិនមែនជាភាពងាយស្រួលដែលក្នុងការគេងឲ្យបានគ្រប់គ្រាន់នោះ អ្នកអាចនឹងរវល់ច្រើន ឬមកពីបញ្ហាសុខភាពផ្លូវចិត្តនានាដែលពិបាកក្នុងការគេងលក់។ តែនៅពេលដែលអ្នកគេងលក់បានស្កប់ស្កល់វាជាហេតុផលដែលជួយឲ្យអ្នកមិនសូវអស់កម្លាំងរហូត មានកម្លាំងស្វាហាប់ និងមានអារម្មណ៍ល្អជានិច្ច ដូចច្នេះព្យាយាមរកវិធីល្អដើម្បីជួយក្នុងការគេងឲ្យឆាប់លក់ និងគ្រប់គ្រាន់៕

ប្រភពរូបភាព៖ Freepik, Brightside

ចុចអានបន្ត៖

• មូលហេតុដែលអ្នកអស់កម្លាំងរហូត និងវិធីដោះស្រាយ
• កុមារ និងការពាក់ម៉ាសការពារជំងឺកូវីដ-១៩