គ្រប់ៗគ្នាគឺគិតបំផុតទៅលើសុវត្ថិភាពផ្ទាល់ខ្លួន! ការទទួលបានការស្វាគមន៍ពីអ្នកដទៃ ឬធ្វើទៅកាន់គេវិញគឺជារឿងធម្មតាទៅហើយ។ អ្នកចង់បាន គេក៏ចង់បានដែរ ភាពរស់រាយរាក់ទាក់ ការចេះជួយអ្នកដទៃដែលត្រូវការ និងចំពោះមនុស្សជុំវិញខ្លួន។ ការធ្វើបែបនេះនឹងធ្វើឲ្យអារម្មណ៍អ្នករំភើប ធ្វើឲ្យគេចូលចិត្តអ្នក និងធ្វើឲ្យអ្នកដទៃមានអារម្មណ៍សប្បាយចិត្ត ទុកចិត្ត មានសុវត្ថិភាពពេលដែលនៅជិតអ្នក។

ប៉ុន្តែវាមិនដែលងាយស្រួលនោះទេ ពីព្រោះការគិត ការយល់ឃើញរបស់មនុស្សម្នាក់ៗមានភាពខុសគ្នាទាំងស្រុង។ វាចំណាយពេលវេលាយូរ កម្លាំងញើសឈាម ការផ្តល់របស់របរជាច្រើនទម្រាំអ្នកទទួលបានការស្រឡាញ់ទុកចិត្តនោះ ហើយពេលខ្លះក៏មិនទទួលបានផងដែរ។

អកប្បកិរិយាទាំងនេះអាចជួយរកការគោរពស្រឡាញ់ទុកចិត្តពីអ្នកដទៃបាន៖

• ការញញឹម រស់រាយរាក់ទាក់ ចេះសួរនាំ
• ភាពជឿជាក់លើខ្លួនឯង
• ការយកចិត្តទុកដាក់ក្នុងការស្តាប់ ការនិយាយទៅកាន់គេ
• ការគោរពឲ្យតម្លៃគេ ដោយគ្មានហេតុផលថាមិនអាច ពីព្រោះមនុស្សម្នាក់ៗគឺមានតម្លៃរៀងៗខ្លួន
• ការចេះជួយយកអាសាអ្នកជុំវិញខ្លួន គឺធ្វើអំពើល្អ និងមានចិត្តសប្បុរសជានិច្ច
• នឹងកុំឲ្យសោះការប្រៀបធៀប វាយតម្លៃអ្នកដទៃដោយផ្អែកតែលើការគិតរបស់អ្នកនោះ

ការធ្វើឲ្យអ្នកដទៃមានអារម្មណ៍ថាចូលចិត្តអ្នក មានអារម្មណ៍ថាមានសុវត្ថិភាពគ្រប់ពេលនោះវាគឺជារឿងដ៏សំខាន់សម្រាប់មនុស្សនៅក្នុងសង្គមរស់នៅ។ អាចបង្កើតទំនាក់ទំនងថ្មីៗ ចំណងមិត្តិភាពរឹងមាំ និងពង្រឹងខ្លួនឯងក្នុងភាពវិជ្ជមានជានិច្ច៕

ប្រភពរូបភាព៖ Freepik

ចុចអានបន្ត៖

• រឿង ១០ យ៉ាងដែលបុរសៗគួររៀនពីស្ត្រី
• ចង់ក្លាយជាអ្នកគ្រប់គ្រងដែលល្អត្រូវមានចំណុចទាំងនេះ