បើនិយាយពីការណាត់ជួប ម្នាក់ៗតែងតែមើលទៅលើរូបរាង ទំនាក់ទំនងពាក្យសម្តីជាមុនសិន មុននឹងពួកគេសម្រេចចិត្តធ្វើការណាត់ជួបជាមួយនរណាម្នាក់នោះ។ អាយុគ្រាន់តែជាតួលេខតែប៉ុណ្ណោះ តែអ្វីដែលអ្នកចង់បាននោះគឺស្វែងរកដៃគូដែលសក្កសម ស្រឡាញ់យល់ចិត្ត និងថែរក្សាគ្នាជារៀងរហូតដល់ចាស់។ ហើយវាអាស្រ័យទៅតាមមនុស្សដែរ អ្នកខ្លះចូលចិត្តក្មេង អ្នកខ្លះក៏ចូលចិត្តចាស់ជាងព្រោះគិតថាមានចិត្តគំនិតចាស់ទុំ។

វានៅតែកើតឡើងសព្វថ្ងៃនេះ នៅពេលដែលអ្នកមានសង្សារឬដៃគូចាស់ជាងខ្លួន អ្នកនឹងទទួលរងការរិះគន់ មើលងាយពីអ្នកដទៃ។ កុំទៅខ្វល់ អ្នកជាម្ចាស់ជីវិតខ្លួនឯង ជាអ្នកកំណត់ជោគវាសនាសម្រាប់ខ្លួនឯង។ ចូលចិត្តបុរសចាស់ជាងខ្លួន ចង់បានការណាត់ជួប ឬចង់បានគេមកធ្វើជាដៃគូនោះគួរធ្វើរឿងទាំងនេះ៖

• ទៅកន្លែងណាដែលបុរសចាស់ៗទាំងនោះចូលចិត្តទៅ ដូចជាភោជនីយដ្ឋាន ហាងកាហ្វេ ឬចូលរួមកម្មវិធីសារធារណៈ និងការណែនាំដោយមិត្តភក្តិតៗគ្នា
• បង្ហាញពីបុគ្គលិកលក្ខណៈរបស់អ្នកតាមបែបធម្មជាតិ ភាពជឿជាក់ ការចង់បាន និងចំណាប់អារម្មណ៍របស់អ្នកទៅលើអ្វីមួយ កុំបង្ខំធ្វើអ្វីមួយក៏ព្រោះតែចង់បានគេ
• កុំធ្វើជាដឹងនូវអ្វីដែលអ្នកមិនដឹងពេលនិយាយជាមួយគេ ត្រូវស្មោះត្រង់ និងនិយាយត្រង់ៗ
• ការនិយាយស្តីត្រូវបង្ហាញអំពីដួងចិត្តពិត ធ្វើឲ្យគាត់គិតថាមិនមែនអាយុ ឬចំណង់នោះទេ តែជាមនុស្សដែលគាត់ចូលចិត្ត ចង់បានពិតមែន
• គោរពឲ្យតម្លៃគ្នាទៅវិញទៅមកដោយមិនប្រកាន់ទៅលើអាយុ ការងារ និងប្រវត្តិរូបពីមុន

រឿងដែលអ្នកត្រូវធ្វើមុននឹងសម្រេចចិត្តធ្វើការណាត់ជួបជាមួយនឹងបុរសចាស់នោះគឺការសួរត្រង់ៗអំពីកូនចៅ អតីត បើគេឬអ្នកមាន ពីព្រោះអ្នកខ្លះមិនអាចទទួលយករឿងកូនចៅបាន ឬមិនទាន់ដាច់ស្រេចជាមួយអតីត៕

ប្រភពរូបភាព៖ adobestock

ចុចអានបន្ត៖

• វិធីដើរចេញដ៏ល្អបើមានទំនាក់ទំនងស្នេហាមិនល្អ
• សុភមង្គលស្នេហាដ៏ល្អរបស់អ្នកស្ថិតនៅលើរឿងទាំង ៥ នេះ