តើអ្នកមានសង្សាររួចហើយឬនៅ? ប្រហែលជាកំពុងតែធ្វើការណាត់ជួបជាមួយនរណាម្នាក់ថ្មីៗនេះហើយ ឬក៏កំពុងតែស្វែងរកដៃគូមួយនឹងគេដែរ? សម្រាប់អ្នកដែលទើបតែមានសង្សារថ្មីៗ ការមានទំនាក់ទំនងផ្លូវភេទគឺជារឿងមួយរំភើបសប្បាយចិត្ត និងក៏អាចជារឿងមួយដែលមនុស្សស្រីមានការព្រួយបារម្ភភ័យខ្លាចផងដែរ។

ការរួមភេទគឺជារឿងសំខាន់ណាស់សម្រាប់ដៃគូសង្សារ ប្រសិនបើអ្នកត្រៀមចិត្តត្រៀមខ្លួនរួចហើយអ្នកអាចឲ្យវាទៅតាមដំណើរ តែប្រសិនបើអ្នកគិតថាមិនទាន់អាចធ្វើវាបានទេនោះ ទាំងនេះគឺជារឿងដែលអ្នកត្រូវធ្វើ និងប្រាប់ដៃគូ៖

• ត្រូវច្បាស់ និងត្រង់ៗថាអ្នកសុំពេលបន្តិចទៀតដើម្បីត្រៀមខ្លួន
• អ្នកត្រូវតែជាម្ចាស់ក្នុងការជ្រើសរើសពេលវេលា ពេលណាដែលអ្នកចង់
• ចាំថាការរួមភេទគឺសម្រាប់មនុស្សទាំងពីរ មិនមែនសម្រាប់តែគាត់នោះឡើយ
• កុំធ្វើដោយការបង្ខំពីដៃគូ តែត្រូវពន្យល់ពីមូលហេតុដែលអ្នកមិនទាន់អាចធ្វើវាបាន
• ការរួមភេទគឺជាការយល់ព្រមទាំងសងខាង កុំធ្វើវាដោយសារតែដើម្បីគេ អ្នកមិនជំពាក់គាត់ឡើយ
• ប្រាប់ថាអ្នកត្រូវការពេលដើម្បីយល់ចិត្តគ្នាឲ្យបានច្រើនសិន ទើបអ្នកមានអារម្មណ៍នឹងទំនុកចិត្តក្នុងការរួមភេទជាមួយ

អ្នកជ្រើសរើសសង្សារ មានដៃគូគឺសម្រាប់ជីវិតទៅថ្ងៃអនាគត មិនមែនយកមក ឬមានដើម្បីតែការរួមភេទនោះទេ ដូចច្នេះអ្នកឬគេប្រាកដជាអាចរង់ចាំបាន។ អ្នកត្រូវចាំថាប្រសិនបើគេគោរពឲ្យតម្លៃអ្នក ស្រឡាញ់អ្នកនោះ គេនឹងមិននិយាយពាក្យថា “ប្រសិនបើអូនស្រឡាញ់បង អូននឹងធ្វើវា” ឬក៏ “បើអូនមិនចង់ធ្វើ មានតែបែកគ្នាទៅ” ។ ចាំថាមានមនុស្សដទៃទៀតជាច្រើនណាស់ដែលនឹងគោរពឲ្យតម្លៃអ្នក។

ប្រភពរូបភាព៖ Freepik

ចុចអានបន្ត៖

• វិធីធ្វើឲ្យសង្សារប្រចណ្ឌច្រណែន ហើយស្រឡាញ់អ្នកកាន់តែខ្លាំងឡើង
• បើមានគេស្រឡាញ់ តែអ្នកមិនស្រឡាញ់គេវិញ ទាំងនេះជារឿងដែលអ្នកត្រូវធ្វើ