តើអ្នកណាខ្លះជួបប្រទះរឿងមួយនេះ យប់កាន់តែជ្រៅ ក្រពះកូរចង់ញ៉ាំអាហារឬចំណី ប៉ុន្តែអ្វីដែលជាបញ្ហាគឺថាអោយតែញ៉ាំគឺដឹងតែឡើងគីឡូតែម្តង។ ក្នុងអត្ថបទនេះយើងនឹងរៀបរាប់ពីអាហារមួយចំនួនដែលអ្នកអាចបរិភោគដោយមិនចាំបាច់ភ័យព្រួយនឹងការឡើងទម្ងន់។

១/ យ៉ាអួ

យ៉ាអួសម្បូរទៅដោយជាតិកាល់ស្យូមដែលជួយអោយឆ្អឹងនិងធ្មេញរឹងមាំ ជាងនេះទៅទៀតវាជួយក្នុងការបន្ទោរបង់ ទប់ស្កាត់ការទល់លាមក ហើយធ្វើអោយអ្នកឆាប់ឆ្អែត ពិសេសមានកាឡូរីទាប។ នៅពេលដែលអ្នកបរិភោគពេលយប់ អ្នកគួរតែបរិភោគយ៉ាអួធម្មជាតិ បើអាចកុំលាយជាមួយផ្លែឈើ ព្រោះវាអាចអោយអ្នកឡើងគីឡូបាន។

២/ ពោតផ្ទុះ

អ្នកទាំងអស់គ្នាប្រហែលគិតថាញ៉ាំពោតផ្ទុះប្រាកដជាឡើងគីឡូ ប៉ុន្តែតាមពិតវាមានកាឡូរីទាប ហើយធ្វើអោយឆាប់ឆ្អែត។ ក្នុងការធ្វើពោតផ្ទុះ អ្នកគួរជៀសវាងប្រើប័រ ស្ករឬអំបិល ដោយអាចចម្អិនដោយដាក់ម្សៅម្ទេសឬអ្វីផ្សេងៗជំនួសវិញដើម្បីបន្ថែមរសជាតិ។

៣/ពងចៀនឬស្ងោរ

ពងចៀនឬពងស្ងោរអាចជួយអោយអ្នកទទួលបានកាឡូរីទាបពេលបរិភោគពេលយប់ ប៉ុន្តែអ្នកអាចធ្វើការចម្អិនដោយចៀនដាក់ប្រេងតែបន្តិច ឬស្ងោរពងទាំងមូលតែម្តង។

រូបភាព៖

pinterest

៤/ ផ្លែឈើ

អ្នកដឹងពីសារៈសំខាន់របស់ផ្លែឈើ គឺជួយអោយអ្នកមានសុខភាពល្អ សម្បូរទៅដោយជាតិសរសៃហើយពិសេសសម្រាប់អ្នកចង់បរិភោគនាពេលយប់ដូចជាផ្លែគីវីឬផ្លែចេកជាដើម ដោយសារមានកាឡូរីទាបមិនធ្វើអោយឡើងទម្ងន់។

រូបភាព៖

pinterest

៥/ បន្លែឬញាំបន្លែ

បន្លែសម្បូរដោយជាតិសរសៃ អ្នកអាចបរិភោគបន្លែស្រស់ៗដូចជាការ៉ុត ត្រសក់ជាដើម ឬអ្នកអាចប្រើទឹកជ្រលក់ញាំជាមួយបន្លែ ប៉ុន្តែត្រូវដាក់ក្នុងបរិមាណសមរម្យ។ ស្របពេលនោះដែរ អ្នកត្រូវតែជៀសឆ្ងាយពីអាហារមួយចំនួនដូចជា ដំឡូងបំពង សូកូឡា និងការ៉េមជាដើមព្រោះវងាយនឹងធ្វើអោយអ្នកងាយឡើងគីឡូលឿនខ្លាំងបំផុត៕

អត្ថប្រយោជន៍ទាំង៦យ៉ាងរបស់គ្រាប់ឈូក