កុំអៀន! ធ្វើរឿង ៧យ៉ាងបង្ហាញក្តីស្រលាញ់ដ៏មានន័យសម្រាប់អ្នកម៉ាក់

2020-12-28 02:27:00
ចំនួនមតិ 0 | ចំនួនចែករំលែក 0

ប្រហែលជាអ្នកអៀន នៅពេលឲ្យនិយាយថា ស្រលាញ់ម៉ាក់នៅចំពោះមុខម្ដាយរបស់អ្នក។ តែអ្នកម៉ាក់ ជាអ្នកមានគុណធំបំផុតតែម្នាក់ ដែលអ្នកគួរតែនិយាយពាក្យនេះឲ្យបានច្រើន។ វិធីទាំង៧ខាងក្រោម អាចឲ្យអ្នកបង្ហាញក្តីស្រលាញ់ទៅកាន់អ្នកម៉ាក់បានយ៉ាងងាយ។

រូបតំណាង

**១. ឱប**

នេះជាវិធីងាយស្រួលបំផុតនិងអាចបង្ហាញក្ដីស្រលាញ់ដល់អ្នកម្ដាយយ៉ាងមានប្រសិទ្ធភាព។ ប៉ុន្តែកូនៗជាច្រើនតែងអៀន។ បើអ្នកហ៊ាន នោះអ្នកនឹងឃើញស្នាមញញឹមរបស់អ្នកម៉ាក់ជាក់ជាមិនខាន។

២. លុតជង្គង់ដោយកាយវិការទន់ភ្លន់

អ្នកម៉ាក់ជាច្រើនប្រហែលនិយាយថា មិនបាច់ធ្វើដល់ថ្នាក់នេះទេ។ តែកាយវិការនេះបង្ហាញពីក្ដីស្រលាញ់របស់អ្នក ហើយក៏បង្ហាញថាម៉ាក់ជាម្លប់ដ៏ត្រជាក់។

រូបតំណាង

៣. និយាយជាមួយម៉ាក់ដោយសម្ដីរាបសារ

ទោះបីជាសកម្មភាពសំខាន់ជាងសម្ដីក៏ពិតមែន តែការនិយាយដោយសុភាពរាបសារជាមួយម៉ាក់ ពិសេសពាក្យថា កូនស្រលាញ់ម៉ាក់ នឹងធ្វើឲ្យម៉ាក់របស់អ្នករីករាយបំផុត។

រូបតំណាង

៤. នាំម្ដាយទៅដើរលេងកម្សាន្ត

មិនថាម៉ាក់របស់អ្នករវល់ការងារផ្ទះ ឬធ្វើការនោះទេ យ៉ាងណាក៏ត្រូវឆ្លៀតនាំម៉ាក់ទៅដើរលេងកម្សាន្តដែរ។ ស្រូបខ្យល់អាកាសជារឿងល្អ ដូច្នេះគួរជ្រើសរើសទីកន្លែងណាដែលម្ដាយរបស់អ្នកចង់ទៅ។

រូបតំណាង

៥. ជូនអំណោយ

មិនបាច់ទាល់តែមានបុណ្យ ឬកម្មវិធីសំខាន់ៗអ្វីៗទេ ថ្ងៃណាក៏អ្នកអាចជូនអំណោយដល់អ្នកម៉ាក់បានដែរ។ អំណោយណាក៏បាន ក៏មិនតម្រូវទាល់តែថ្លៃ ឬទាល់តែរកបានដោយលំបាកនោះដែរ។

រូបតំណាង

៦. ប្ដេជ្ញាថាខំប្រឹងរៀនឲ្យពូកែ

វិធីសាស្ត្រនេះ គឺបង្ហាញថាអ្នកពិតជាចង់ធ្វើដើម្បីម៉ាក់យ៉ាងពិតប្រាកដ។ "ខ្ញុំតាំងចិត្តថា នឹងប្រឹងប្រែងរៀនសូត្រហើយយកនិទ្ទេសល្អជូនអ្នកម៉ាក់" នេះជាឃ្លាដែលធ្វើឲ្យអ្នក និងម៉ាក់សុទ្ធតែសប្បាយចិត្ត និងថែមទាំងមានគុណសម្បត្តិទាំងសងខាង។

រូបតំណាង

៧. មិនឈ្លោះជាមួយម្ដាយ

អ្នកដឹងទេ ពេលអ្នកនិយាយសម្ដីធំ ឬជួនកាលឈ្លោះគ្នាជាមួយម្ដាយ នោះជាពេលដែលលោកមិនសប្បាយចិត្ត រហូតស្រក់ទឹកភ្នែកទៀតក៏មាន។ ដូច្នេះហើយ គួរតែចាប់ផ្ដើមរៀនធ្វើចិត្តឲ្យត្រជាក់ និយាយថា ស្រលាញ់ម៉ាក់ និយាយដោយសម្ដីពីរោះពិសា ចាប់ផ្ដើមដោយការមិនឈ្លោះគ្នា។ អ្នកនឹងឃើញថា ម៉ាក់ស្រលាញ់អ្នកខ្លាំងប៉ុនណា៕

អានបន្ត៖ បើអ្នកក្លាយជាមនុស្សស្រីរឹងមាំ កុំភ្លេចដឹងគុណអ្នកម្តាយដែលបានធ្វើជាគំរូល្អជួយជ្រោមជ្រែងរហូតដល់ត្រើយ

ប្រភព៖ gedgoodlife ប្រែសម្រួល៖ លឹម សុនា