ក្រោយបែកគ្នាមិនមែនអត់ប្រយោជន៍ទេ ស្រីៗនឹងរៀនបាន ១១ ចំណុចនេះ
- 2020-08-04 03:55:00
- ចំនួនមតិ 0 | ចំនួនចែករំលែក 0
ក្រោយបែកគ្នាមិនមែនអត់ប្រយោជន៍ទេ ស្រីៗនឹងរៀនបាន ១១ ចំណុចនេះ
ការបែកគ្នាសុទ្ធតែធ្វើឲ្យមនុស្សឈឺចាប់ដូចគ្នា តែនៅពីក្រោយភាពឈឺចាប់នោះស្រីៗអាចរៀនពីចំណុចទាំងនេះ។ ព្រោះវាបន្សល់ទុកជាដើមទុន ឲ្យនារីគ្រប់រូបស្វែងយល់ ១១ យ៉ាងនេះ៖
១.ស្នេហាមិនដូចអ្វីដែលយើងរំពឹងទុកទេ ព្រោះក្នុងជីវិតពិតមានភាពបត់បែន និងជួបហេតុការណ៍ច្រើន។
២.បុរសម្នាក់នោះប្រហែលជាមិនមានភាពវិសេសវិសាលខ្លាំងណាស់ណា រហូតឲ្យយើងឈឺចិត្តដើម្បីគេឡើយ។ ព្រោះបុរសដ៏ល្អជាងគេ នៅលើលោកនេះមានច្រើនទៀត។
៣.ក្រោយបែកបាក់ស្នេហា នឹងដឹងថានរណាដែលស្រលាញ់ និងនៅក្បែរយើងគ្រប់ពេល នោះគឺគ្រួសារ និងមិត្តភ័ក្ដិ។
៤.មិនចាំបាច់ខ្វាយខ្វល់នឹងពាក្យសើចចំអករបស់អ្នកដទៃឡើយ ព្រោះគេមិនមែនជាអ្នកឈឺចាប់។
៥.មិនគួរធ្វើខ្លួនស្ងៀមស្ងាត់ឡើយ តែគួរធ្វើឲ្យសកម្មភាពផ្សេងៗ ទើបអាចស្រោចស្រង់ ហើយឆ្លងកាត់ស្ថានភាពអួអាប់បាន។
៦.ត្រូវចាំថាបើគេស្រលាញ់ពិត នោះគេនឹងព្យាយាមយល់ពីយើងគ្រប់យ៉ាង មិនមែនយកការបែកបាក់មកធ្វើជាដំណោះស្រាយទេ។
៧.ប្រាកដជាមានមនុស្សយោគយល់ ពេលយើងធ្វើខុសអំឡុងពេលនោះ ព្រោះអ្នកនោះក៏ធ្លាប់ជួបបញ្ហាបែបនេះដែរ។
៨.មិនចាំបាច់បន្ទោសភាគីម្ខាងទៀតឡើយ ព្រោះមនុស្សល្អត្រឹមត្រូវមិននិយាយដើមគេក្រោយខ្នង ហើយក៏មិនមែនកំហុសមានតែម្ខាងទេជាអ្នកធ្វើខុសនោះ។
៩.បន្តរស់នៅជីវិតបែបផែនរបស់យើង ដោយមិនចាំបាច់គិតអ្វីស្មុគស្មាញច្រើន។
១០.យើងនឹងដឹងពីរបៀប និងពេលវេលាចាប់ផ្ដើមស្នេហាសាជាថ្មី។
១១.មិនគួរព្រោះតែស្នេហាធ្វើឲ្យប៉ះពាល់ដល់ការសិក្សា ឬការងារផ្សេងៗឡើយ ព្រោះយើងអាចនឹងជាប់ឈ្មោះមិនល្អថា យកអារម្មណ៍ផ្ទាល់ខ្លួន មកធ្វើឲ្យប៉ះពាល់ដល់កិច្ចការរួម៕
ចុចអាន៖ក្រោយបែកគ្នា ស្រីៗមិនគួរបង្ហាញអារម្មណ៍ទាំងនេះក្នុងបណ្ដាញសង្គម