ក្រោយបែកគ្នា ស្រីៗមិនគួរបង្ហាញអារម្មណ៍ទាំងនេះក្នុងបណ្ដាញសង្គម
- 2017-08-22 13:00:00
- ចំនួនមតិ 0 | ចំនួនចែករំលែក 0
ក្រោយបែកគ្នា ស្រីៗមិនគួរបង្ហាញអារម្មណ៍ទាំងនេះក្នុងបណ្ដាញសង្គម
បើជ្រុលជាបែកគ្នាហើយ គួរតែឲ្យរឿងនេះកន្លងទៅចុះ មិនគួររំលឹក ឬព្យាយាមបង្ហាញពីរឿងក្នុងចិត្តយើងច្រើនពេកទេ។ ព្រោះមើលទៅមនុស្សស្រីដូចជាទន់ខ្សោយពេក ហើយតម្លៃរបស់យើងក៏ធ្លាក់់ចុះទៅតាមនោះដែរ។ អារម្មណ៍ទាំង ៥ នេះមិនគួរបង្ហាញក្នុងបណ្ដាញសង្គមនានាឡើយ ៖
១. អារម្មណ៍ឈឺចាប់ ៖ ការបង្ហាញអារម្មណ៍ឈឺចាប់មិនថាតាម FB IG មិនបានផ្ដល់ផលល្អឲ្យស្រីៗវិញទេ ផ្ទុយទៅវិញមានតែធ្វើឲ្យគេកាន់តែឃើញភាពទន់ខ្សោយ និងមើលងាយអ្នកថែមទៀតប៉ុណ្ណោះ។
**២. អារម្មណ៍នឹកគេ ៖** ទោះនឹកគេប៉ុណ្ណាក៏ដោយ ក៏មិនគួរបង្ហោះវាលើបណ្ដាញសង្គមដែរ ព្រោះអាចឲ្យគេមើលមកមនុស្សស្រីដូចជាគួរឲ្យអាណិតណាស់។ ទោះជាមានអារម្មណ៍បែបនោះមែន រក្សាក្នុងចិត្តទៅបានហើយ កុំធ្វើឲ្យគេដឹងពីច្រើនពេក។
៣. អារម្មណ៍ដែលចង់ឲ្យគេត្រឡប់ ឬអង្វរគេ ៖ ពេលដែលគិតថាចង់ Post វាមានអារម្មណ៍ថាខ្មាសគេអត់? គិតថាធ្វើបែបហ្នឹងគេត្រឡប់មែនទេ? ប្រហែលជារឹតតែធ្វើឲ្យគេសើចចំអកយើងថែមទៀត។
៤. បញ្ឈឺគេ ៖ បើគេចង់បែកទៅហើយ ទោះធ្វើអីក៏គេមិនខ្វល់ដែរ ហើយការបញ្ឈឺគឺជារឿងមួយដ៏ឆោតបំផុត ដែលមនុស្សពេញវ័យមិនគួរធ្វើ។
៥. រលឹករឿងចាស់ៗ ៖ វាគ្មានបានអីមកវិញទេក្រៅពីឲ្យយើងពិបាកចិត្តថែមមួយកម្រិតទៀត គួរតែព្យាយាមទប់ចិត្តខ្លួនឯង ហើយកុំបញ្ចេញរឿងសម្ងាត់ទាំងនោះចេញមកក្រៅអី។
និយាយទៅគឺកុំធ្វើអីឲ្យគេមើលងាយ និងអាណិត តែត្រូវធ្វើខ្លួនឲ្យរឹងមាំ ទើបគេដឹងថាគេចោលមនុស្សខុសហើយ៕
ចុចអាន៖ក្រោយបែកបាក់ស្នេហា រឿងអាក្រក់ទាំងនេះនឹងកើតឡើងភ្លាមៗ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
