មុនចង់ស្រកគីឡូ អ្នកត្រូវចេះអនុវត្តទម្លាប់ប្រចំាថ្ងៃនេះសិនទើបស្រកបានរហ័ស
- 2020-08-03 05:30:03
- ចំនួនមតិ 0 | ចំនួនចែករំលែក 0
មុនចង់ស្រកគីឡូ អ្នកត្រូវចេះអនុវត្តទម្លាប់ប្រចំាថ្ងៃនេះសិនទើបស្រកបានរហ័ស
មិត្តនារីមានរាងធាត់ឬខ្លាញ់ក្បាលពោះច្រើនពេកតែងមានបំណងចង់ស្រកគីឡូឲ្យបានលឿន។ តែការស្រកគីឡូលឿនមិនចេះតែអាចធ្វើបានងាយៗនោះទេ អ្នកត្រូវមានរបបអាហារត្រឹមត្រូវ ហាត់ប្រាណទៀងទាត់ និងមានទម្លាប់ល្អប្រចំាថ្ងៃទៀតផង។ ហេតុដូចនេះ ប្រសិនបើអ្នកតមអហារតែពុំមានទម្លាប់ប្រចំាថ្ងៃអនុវត្តជាប្រចំានោះ អ្នកក៏ពុំអាចស្រកបានលឿនដែរ។ យ៉ាងនេះហើយ ចំណុចខាងក្រោមនេះនឹងបង្ហាញលោកអ្នកឲ្យបានដឹងទំាងអស់គ្នារួមមាន៖
១. ភ្ញាក់ពីគេងពេលព្រលឹមរួចពត់ខ្លួនប្រាណ
នៅពេលព្រឹកព្រលឹម មនុស្សមួយចំនួនប្រហែលជាមានទម្លាប់ក្រោកគេងយឺតៗព្រោះតែមានការងាររវល់ច្រើននៅពលយប់។ ហេតុដូចនេះហើយ ធ្វើឲ្យអ្នកមិនសូវជាចង់ក្រោកពីគេងប៉ុន្មាននោះទេ។ ប្រសិនបើដូច្នោះ ចូរអ្នកបើកភ្នែកភ្លាមពេលក្រោកពីគេងត្រូវងើបឡើងហើយពត់ខ្លួនប្រាណដើម្បីឲ្យមានអារម្មណ៍ល្អ។ ការពត់ខ្លួនប្រាណនេះ មិនត្រឹមតែជួយអ្នកឲ្យសាច់ដុំបានដំណើរការស្រួលនោះទេ តែថែមទំាងជួយរាងកាយនិងចិត្តគំនិតរបស់អ្នករស់រវើកទៀតផង។
២. ផឹកទឹកក្តៅមួយកែវពេលព្រលឹម
មិត្តនារីមួយចំនួនប្រហែលជាដឹងមកហើយថាការទទួលទានពេលព្រលឹមពិតជាសំខាន់ណាស់។ ជាការពិត ការទទួលទានទឹកក្តៅមួយកែវពេលក្រោកពីគេងរួចវាពិតជាល្អសម្រាប់សុខភាពនិងសម្រស់របស់អ្នក។ ប្រសិនបើអ្នកទទួលទានទឹកក្តៅបានទៀងទាត់ជាជាងទទួលទានទឹកត្រជាក់នោះ អ្នកនឹងអាចមានអារម្មណ៍ស្រស់ស្រាយបានជាងមុន ព្រោះការទទួលទានទឹកវាជួយបង្ក្រប់ជាតិទឹកដែលបាត់បង់អំឡុងពេលគេង។
៣. ទទួលទានអាហារពេលព្រឹកសាមញ្ញ តែសម្បូរទៅដោយសារធាតុចិញ្ចឹម
ដូចទៅនឹងសុភាសិតមួយតែងពោលឡើងថា ញុំាបាយពេលព្រឹកដូចស្តេច ញុំាបាយល្ងាយដូចអ្នកក្រ។ ឃ្លានេះចង់សំដៅទៅឲ្យអ្នកជ្រើសរើសអាហារពេលព្រឹកណាសាមញ្ញ ប៉ុន្តែវាមានផ្ទុកទៅដោយសារធាតុចិញ្ចឹមសម្រាប់ទ្រទ្រង់រាងកាយ។ ការបរិភោគអាហារពេលព្រឹកបានត្រឹមត្រូវនឹងជួយឲ្យអ្នកមានកម្លាំងសម្រាប់រាងកាយធ្វើការងារផ្សេងៗ។
៤. ផឹកទឹកឲ្យបាន២លីត្រក្នុងមួយថ្ងៃ
ការទទួលទានទឹកបានគ្រប់គ្រាន់ក្នុងមួយថ្ងៃវានឹងជួយឲ្យស្បែករបស់អ្នកភ្លឺរលោងនិងជះឥទ្ធិពលដល់ការសម្រករាង។ តែអ្នកក៏ត្រូវតែយកចិត្តទុកដាក់ពេលទទួលទានដោយមិនត្រូវឲ្យតិចពេកឡើយដើម្បីចៀសវាងការមានបញ្ហាលើសុខភាពស្បែក។
៥. បរិភោគគ្រាប់ធញ្ញជាតិឬចំណីផ្សេងៗការពារពេលឃ្លាន
ដើម្បីតែចង់បានរាងស្អាតមួយមុខ អ្នកមិនគួរបង្អត់អាហារសម្រាប់ខ្លួនឯងពេកនោះទេ។ បើអ្នកសម្រេចចិត្តថាមិនបរិភោគ អ្នកនឹងបង្កើនបន្ទុកទៅលើរាងកាយអ្នកវិញទេ។ ប្រសិនបើអ្នកឃ្លាននៅពេលណាមួយ អ្នកអាចជ្រើសរើសយកចំណីឬគ្រាប់ធញ្ញជាតិណាមួយដែលមានផ្ទុកខ្លាញ់ល្អមកបរិភោគសម្រាប់ខ្លួនអ្នក។
៦. ចំណាយពេលហាត់ប្រាណមួយម៉ោងក្នុងមួយថ្ងៃ
វាពិតជាសំខាន់ណាស់សម្រាប់ការហាត់ប្រាណជារៀងរាល់ថ្ងៃមិនថាមនុស្សប្រុសស្រីឡើយ។ ការហាត់ប្រាណមិនតម្រូវឲ្យអ្នកចូលវគ្គបណ្តុះបណ្តាលអីនោះទេ តែអ្នកអាចហាត់ដោយខ្លួនឯងបានដោយធ្វើយ៉ាងណាឲ្យរាងកាយមានចលនានិងបញ្ចេញញើស។ នៅពេលនោះហើយ អ្នកនឹងរក្សារាងរបស់អ្នកមិនឲ្យឡើងទម្ងន់បានដូចមុនទៀតឡើយ៕
រូបភាព៖ Pinterest
ចុចអានបន្ត៖
មើលតែរូប និងហាត់តាម ៧ ក្បាច់នេះ អ្នកអាចមានគូទស្អាតបានយ៉ាងងាយ