ភេសជ្ជៈស្រស់ឆ្ងាញ់ ៤ មុខអាចធ្វើញុំាខ្លួនឯងនៅផ្ទះបានហើយនៅជួយឲ្យស្បែកភ្លឺនិងស្រកទម្ងន់ទៀត
- 2020-07-03 06:00:00
- ចំនួនមតិ 0 | ចំនួនចែករំលែក 0
ភេសជ្ជៈស្រស់ឆ្ងាញ់ ៤ មុខអាចធ្វើញុំាខ្លួនឯងនៅផ្ទះបានហើយនៅជួយឲ្យស្បែកភ្លឺនិងស្រកទម្ងន់ទៀត
មនុស្សភាគច្រើនមិនសូវចូលចិត្តទទួលទានភេសជ្ជៈផ្អែមៗប៉ុន្មាននោះទេ ព្រោះតែវាមានផ្ទុកជាតិស្ករងាយធ្វើឲ្យពួកគេធាត់។ ប្រសិនបើអ្នកជាមនុស្សក្នុងចំណោមពួកគេនោះ អ្នកអាចធ្វើភេសជ្ជៈស្រស់ធម្មជាតិញុំាដោយខ្លួនឯងបាននៅផ្ទះយ៉ាងស្រួល។ លើសពីនេះ ភេសជ្ជៈបួនមុខនេះមិនត្រឹមតែជួយឲ្យអ្នកស្រស់ស្រាយនោះទេ តែវាថែមទំាងជួយឲ្យស្បែករបស់អ្នកភ្លឺថ្លានិងមានក្បាលពោះស្រស់ស្អាតទៀតផង។ ហេតុដូចនេះហើយ ថ្ងៃនេះ ប្រិយមិត្តអ្នកអានទំាងអស់គ្នានឹងបានដឹងពីភេសជ្ជៈទំាងបួនមុខនោះរួមមាន៖
**១. ទឹកម្នាស់**
ភេសជ្ជៈនេះស័ក្តិសមនៅក្នុងរដូវក្តៅតែម្តង ប្រសិនបើអ្នកចូលចិត្តទទួនទានទឹកផ្លែឈើស្រស់។ ការទទួលទានទឹកម្នាស់នៅពេលពោះទទេអាចជួយកាត់បន្ថយការឃ្លានជាតិស្ករបាន។ ចំណែកឯអ្នកកំពុងតែស្រកគីឡូក៏អាចទទួលទានផ្លែម្នាស់ស្រស់ៗបានដែរ វាមានជាតិ thiamine ជាសារធាតុដ៏សំខាន់ងាយបំប្លែងទៅជាថាមពល ជួយជម្រុញដ៏ការរំលាយអាហារនិងធ្វើឲ្យឈាមរត់បានល្អក្នុងរាងកាយ។
២. ទឹកប្ល៊ូប៊ឺរី
នៅក្នុងទឹកប្ល៊ូប៊ឺរីមួយកែងមានផ្ទុកជាតិសរសៃចំនួន ៤ ក្រាម។ ជាតិសរសៃនៅក្នុងភេសជ្ជៈមួយនេះអាចជួយជម្រុញផ្នែកពោះវៀន peristalsis មានដំណើរការល្អ។ សម្រាប់មិត្តនារីណាមានចលនាពោះវៀនខ្សោយគប្បីសាកល្បងទទួលទានទឹកផ្លែឈើប្រភេទនេះ។ ហើយបន្ទាប់មកទៀត ក្រពះនឹងមិនប្រមូលផ្តុំនៅចលនានេះដែលធ្វើរាងកាយអាចបំបាត់ជាតិពុលបានល្អវិញ។
៣. ទឹកគីវី
ក្រៅពីផ្លែប្ល៊ូប៊ឺរី នៅមានផ្លែគីវីក៏សម្បូរទៅដោយជាតិសរសៃដែរ វាមានតួនាទីជួយសម្រួលដល់ចលនារបស់ពោះវៀននិងជួយកាត់បន្ថយពេលវេលាមិនល្អដែលសារធាតុបង្កគ្រោះថ្នាក់ក្នុងរាងកាយ។ មិនត្រឹមតែប៉ុណ្ណោះ វាជួយធ្វើឲ្យមានតុល្យភាព sebum hyperplasia ជួយកាត់បន្ថយស្បែកឡើងប្រេង និងកាត់បន្ថយបញ្ហាមុនលើផ្ទៃមុខ។ ពិសេសនោះ វីតាមីន C នៅក្នុងផ្លែឈើនេះជួយធ្វើឲ្យស្បែកសនិងកាត់បន្ថយស្នាមអុជខ្មៅ។
៤. ផ្លែប៊ឺរ
៧០ភាគរយនៃកាឡូរីក្នុងផ្លែប៊ឺរគឺកើតចេញពីជាតិខ្លាញ់ ប៉ុន្តែខ្លាញ់នេះគឺជាអាស៊ីតOleic ដែលល្អសម្រាប់រាងកាយមនុស្សនោះទេ។ ជាតិអាស៊ីតប្រភេទនេះជួយការពារកោសិកាមហារីក។ ហើយក៏មានការសិក្សាមួយចំនួនបង្ហាញឡើងដែរថា ប្រសិនបើស្ត្រីមានជាតិអាស៊ីតនេះច្រើនក្នុងរាងកាយនោះ ពួកគេនឹងមានហានិភ័យនៃជំងឺមហារីកសុដន់តិច។ លើសពីនេះទៅទៀត ទឹកផ្លែប៊ឺរគឺល្អសម្រាប់សុខភាពស្បែកសុភាពនារីណាស់ ព្រោះវាជួយឲ្យស្បែកស្រស់ស្អាត៕
រូបភាព៖ Pinterest
ចុចអានបន្ត៖
អត្ថប្រយោជន៍ ៧ យ៉ាងនៃការទទួលទានទឹកក្តៅដ៏ល្អសម្រាប់មិត្តនារី