ខូចប្រព័ន្ធរំលាយអាហារធ្ងន់ធ្ងរ ដោយសារធ្វេសប្រហែសពីចំណុចទាំងនេះ

2020-06-19 04:50:00
ចំនួនមតិ 0 | ចំនួនចែករំលែក 0

ក្រៅពីហូបឆ្ងាញ់ សប្បាយចិត្ត ការបញ្ចេញចោលបានល្អនិងទៀងទាត់ក៏ជាផ្នែកមួយសំខាន់ ជួយឲ្យសុខភាពនិងរាងកាយសមសួនផងដែរ។ ដូច្នេះ ការយកចិត្តទុកដាក់លើប្រព័ន្ធរំលាយអាហារ ពិតជាសំខាន់ខ្លាំងណាស់។ យ៉ាងណាក៏ដោយ មនុស្សមួយចំនួនបានមើលរំលងចំណុចនេះ រហូតធ្វើឲ្យខូចខាតប្រព័ន្ធរំលាយអាហារ។ ខាងក្រោមនេះ ជាចំណុចមួយចំនួនធំៗ ដែលជាមូលហេតុធ្វើឲ្យខូចប្រព័ន្ធរំលាយអាហារ៖

រូបតំណាង

**១. ខូចប្រព័ន្ធរំលាយអាហារដោយសារចង់ស្គមលឿនពេក**

ដោយសារតែចង់ស្គម និងរាងស្អាតឆាប់រហ័សពេក នារីមួយចំនួនតមអាហារមិនញ៉ាំអ្វីសោះ ដែលប៉ះពាល់មិនត្រឹមប្រព័ន្ធរំលាយអាហារទេ ថែមទាំងធ្វើឲ្យស្បែកប្រែស្រអាប់ រាងកាយទ្រុឌទ្រោមថែមទៀតផង។ ដូចនេះ បើនារីទាំងអស់ចង់សម្រកទម្ងន់ គួរតែគ្រប់គ្រងម្ហូបអាហារ ចេះជ្រើសរើសអាហារមានជីវជាតិ ដែលវាល្អចំពោះសុខភាពរយៈពេលវែង។

រូបតំណាង

២. អង្គុយយូរម៉ោងពេកដោយគ្មានធ្វើលំហាត់ប្រាណ

វាជាការពិតដែលជម្រើសម្ហូប អាចជះឥទ្ធិពលដល់រាងកាយរបស់យើងបាន ប៉ុន្តែការធ្វើលំហាត់ប្រាណក៏ជួយបង្កើតរាងឲ្យសមសួនជាងមុនផងដែរ។ សម្រាប់នារីធ្វើការនៅការិយាល័យ ឬសិស្សនិស្សិតដែលសិក្សាច្រើន អង្គុយយូរម៉ោង មិនមានពេលហាត់ប្រាណ គួរតែឧស្សាហ៍ក្រោកឈរ ឬធ្វើចលនាយ៉ាងហោច ១៥នាទី បន្ទាប់ពីហូបអាហាររួច ដើម្បីឲ្យប្រព័ន្ធរំលាយអាហារដំណើរការល្អ។

រូបតំណាង

៣. ផឹកគ្រឿងស្រវឹង

ផឹកស្រាញឹកញប់ពេក មិនល្អចំពោះរាងកាយឡើយ ពិសេសប្រព័ន្ធរំលាយអាហារនេះតែម្តង។ បើយូរម្តងៗដោយសារជប់លៀង ឬផឹកត្រឹមម្តងក្នុងមួយខែដើម្បីស្បែកស្អាត នោះមិនសូវជះផលអាក្រក់ឡើយ។

រូបតំណាង

៤. មិនសូវសម្រាកបានគ្រប់គ្រាន់

ការសម្រាកពិតជាសំខាន់លើសអ្វីៗទាំងអស់។ កាលណាអ្នកសម្រាកមិនគ្រប់គ្រាន់ទេ រាងកាយមិនអាចមានលទ្ធភាពជួសជុលសម្រាប់ប្រព័ន្ធផ្សេងៗបានឡើយ។ ដូចនេះ យ៉ាងហោចណាស់ក៏ ៦ -៨ ម៉ោងក្នុងមួយថ្ងៃ ទើបល្អ។

ប្រភព៖ jelly ប្រែសម្រួល៖ លឹម សុនា